ଟାଟା ପାୱାରର ୧୦୦ କର୍ମଚାରୀ ଗଲେ ଭଦ୍ରକ

ଅନୁଗୁଳ:ବାତ୍ୟା ‘ୟାସ୍‌’ ପ୍ରଭାବରେ ଭଦ୍ରକ ଓ ବାଲେଶ୍ଵର ଜିଲ୍ଲାରେ ବିଦ୍ୟୁତ୍ ସେବା ବିପର୍ଯ୍ୟସ୍ତ ହୋଇପଡ଼ିଛି। ଏହି ଜିଲ୍ଲାରେ ଯୁଦ୍ଧକାଳୀନ ଭିତ୍ତିରେ ବିଦ୍ୟୁତ୍ ସେବା ସ୍ବାଭାବିକ କରାଯିବ ବୋଲି ସରକାର ଘୋଷଣା କରିଥିଲେ। ରାଜ୍ୟ ସରକାରଙ୍କ ଶକ୍ତି ବିଭାଗ ଶାସନ ସଚିବ ଓ ବରିଷ୍ଠ ଅଧିକାରୀଙ୍କ ଡାକରା ପାଇ ପାଳଲହଡ଼ା ଉପଖଣ୍ଡର ୪ଟି ସେକ୍ସନର ବିଦ୍ୟୁତ୍ ଦାୟିତ୍ବରେ ଥିବା ଟାଟା ପାୱାର କମ୍ପାନିର ମୁଖ୍ୟ ଭଗତ ସାହୁଙ୍କ ତତ୍ତ୍ଵାବଧାନରେ ୧୦୦ ଜଣ ଅଭିଜ୍ଞ ବିଦ୍ୟୁତ୍ କର୍ମଚାରୀ ଭଦ୍ରକ ଓ ବାଲେଶ୍ଵର ଜିଲ୍ଲାକୁ ଗସ୍ତକରିଛନ୍ତି। ସେମାନେ ଗସ୍ତ କରିବା ପୂର୍ବରୁ ପାଳଲହଡ଼ା କାର୍ଯ୍ୟାଳୟରେ ଶପଥ ପାଠ କାର୍ଯ୍ୟକ୍ରମ ହୋଇଥିଲା। ଉପରୋକ୍ତ ଅଞ୍ଚଳରେ ବିଦ୍ୟୁତ୍ ସେବା ସ୍ଵାଭାବିକ କରି ସେମାନେ ପାଳଲହଡ଼ା ଫେରିବେ ବୋଲି ସଂକଳ୍ପ ନେଇଥିଲେ।