ତାଳଚେର: ବିଶିଷ୍ଟ ବ୍ୟଙ୍ଗ ଚିତ୍ରଶିଳ୍ପୀ ତଥା ସାମ୍ବାଦିକ ଗୌରବ ସ୍ୱର୍ଗତ ଦିବାକର ମିଶ୍ରଙ୍କର ୧୦୯ତମ ଜନ୍ମ ଜୟନ୍ତୀ ଉତ୍ସବ ପାଳିତ ହୋଇଯାଇଛି। ଏହି ଅବସରରେ ବୁଧବାର ତାଳଚେର ସହରର ବଜାର ଛକ ଠାରେ ଥିବା ସ୍ୱର୍ଗତ ମିଶ୍ରଙ୍କ ପ୍ରତିମୂର୍ତ୍ତିରେ ପୂର୍ବତନ ସଂସଦ ମହେଶ ସାହୁ ଓ ରବିନାରାୟଣ ପାଣି ମାଲ୍ୟାର୍ପଣ କରିଥିଲେ। ସେହିପରି ପୂର୍ବତନ ନଗରପାଳ କେଶବ ଭୂତିଆ,ବରିଷ୍ଟ ସରକାରୀ ଓକିଲ ଗିରିଜା ଶଙ୍କର ମିଶ୍ର ,ଯୁବ ନେତା ଗଦାଧର ସାହୁ, କାଉନ୍ସିଲର ଯଶୋବନ୍ତ ମିଶ୍ର, ସନ୍ତୋଷ ବେହେରା, ବାବୁନି ସ୍ୱାଇଁ ,ଆସିଫ ଖାନ, ବିଜେଡ଼ି ଜିଲ୍ଲା କୋଷାଧ୍ୟକ୍ଷ ବାନାମ୍ବର ଭୂତିଆ, କଂଗ୍ରେସ ନେତା ପ୍ରଦୀପ ମହାରଣା , ବଜାର କମିଟି ସମ୍ପାଦକ ବୁଦ୍ଧିଆ ଭୂତିଆ, ଗଣମାଧ୍ୟମ ପ୍ରତିନିଧି ଭାଗିରଥୀ ମହାପାତ୍ର, ତପନ କୁମାର ମହାରଣା, ସୌଭାଗ୍ୟ ମହାରଣା, ବିରଜା ଶଙ୍କର ମିଶ୍ର, ସମାଜସେବୀ ବଳରାମ ପତି, ଶିକ୍ଷାବିତ୍ ବିଭୂତିଭୂଷଣ ମିଶ୍ର, ସୁଲେଖ ସେଠୀ, ରୋହିତ ବେହେରା ରାଜୀବ ରାଉତ ପ୍ରକାଶ ସାହୁ, ପୌରସଂସ୍ଥା ପକ୍ଷରୁ ଚିତ୍ତରଞ୍ଜନ ପ୍ରଧାନ ପ୍ରମୁଖ ସ୍ୱର୍ଗତ ମିଶ୍ର ଜଣେ ଅନନ୍ୟ ବ୍ୟକ୍ତିତ୍ୱ ଭାବେ ସାରା ରାଜ୍ୟରେ ସୁପରିଚିତ ଥିବା ବେଳେ ତାଳଚେରର ଦରିଦ୍ର ଅସହାୟ ଲୋକଙ୍କର ସେ ଥିଲେ ମୁଖ୍ୟ କର୍ଣ୍ଣଧାର ଓ ଦରଦୀ ବନ୍ଧୁ ବୋଲି ଅଭିହିତ କରିଥିଲେ।
ତାଙ୍କର ନୀତି ଆଦର୍ଶରେ ଚାଲିଲେ ଆଜିର ଦିନରେ ତାଙ୍କପାଇଁ ଶ୍ରେଷ୍ଠ ଶ୍ରଦ୍ଧାଞ୍ଜଳି ହେବ ବୋଲି ସମସ୍ତେ ମତବ୍ୟକ୍ତ କରିଥିଲେ। ବଜାର କମିଟିର ସଦସ୍ୟବୃନ୍ଦ, ବିଭିନ୍ନ ରାଜନୈତିକ ଦଳର ନେତୃମଣ୍ଡଳୀ ପୁଷ୍ପମାଲ୍ୟ ଅର୍ପଣ କରି ସ୍ୱର୍ଗତ ମିଶ୍ରଙ୍କ ଜୀବନ ଦର୍ଶନ ଉପରେ ଆଲୋକାପତ କରିବା ସହ ଶ୍ରଦ୍ଧାସୁମନ ଅର୍ପଣ କରିଥିଲେ । ସାମ୍ବାଦିକ ଦେବୀ ମିଶ୍ର ଧନ୍ୟବାଦ ଅର୍ପଣ କରିଥିଲେ ।
ସେହିପରି ହାଟତୋଟା ସ୍ଥିତ ପ୍ରେସ୍କ୍ଲବ୍ ଠାରେ ଅନୁଷ୍ଠିତ ସ୍ମୃତି ସଭାରେ ଗଣମାଧ୍ୟମର ପ୍ରତିନିଧିମାନେ ଯୋଗଦେଇ ସ୍ୱର୍ଗତ ମିଶ୍ରଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସଙ୍ଗେ ସଙ୍ଗେ ସ୍ମୃତିଚାରଣ କରିଥିଲେ ।