ଅନୁଗୁଳ: ଚୋରା ଡିଜେଲ ବେପାରୀଙ୍କ ଯୋଜନା ପଣ୍ଡ କଲା ଅନୁଗୁଳ ଜିଲ୍ଲା ତାଳଚେର ପୋଲିସ୍। ହାତୀ ଆତଙ୍କ ଖବର ପାଇ ଲୋକଙ୍କୁ ସଚେତନତା କରାଇବା ପାଇଁ ଯାଉଥିବା ସମୟରେ ସ୍କଟଲାଣ୍ଡପୁର ଠାରେ ମାଫିଆମାନେ ଚୋରା ଡିଜେଲ କାରବାର କରୁଥିବା ପୋଲିସ ଦେଖିଥିଲା। ପୋଲିସ୍ ଗାଡ଼ିକୁ ଦେଖି ସେମାନେ ଦୌଡ଼ି ପଳାଇଥିଲେ । ପୋଲିସର ସନ୍ଦେହ ହେବାରୁ ସେଠାରେ ପହଂଚି ତଦନ୍ତ କରି ୭ଟି ଡ୍ରମରେ ଥିବା ପ୍ରାୟ ୧୪ଶହ ଲିଟର୍ ସହ ୧୦ଟି ଜାରକିନ୍ରେ ପ୍ରାୟ ୫ଶହ ଲିଟର ଚୋରା ଡିଜେଲ ଜବତ କରି ଥାନାକୁ ଆଣିଥିଲା । ଏସମ୍ପର୍କରେ ପୋଲିସକୁ ପଚାରିବାରୁ କାଲି ସୂଚନା ଦେବେ ବୋଲି ଥାନା ଅଧିକାରୀ ଦିଗବିଜୟ ବିଶ୍ୱାଳ ପ୍ରକାଶ କରିଛନ୍ତି। ତେବେ ଏତେ ଶହ ଚୋରା ଡିଜେଲ କେଉଁଠୁ ଓ କିପରିଭାବେ ଆସିଲା ତାହା ସନ୍ଦେହ ଘେରରେ।