ପାଳଲହଡ଼ା: ପାଳଲହଡା ଷ୍ଟାଡିୟମରେ ଶାସନ ସାହି ଜୟ ଶ୍ରୀରାମ କ୍ରିକେଟ କ୍ଲବ ଆନୁକୂଲ୍ୟରେ ଚାଲିଥିବା ଷଷ୍ଠ ଶ୍ରୀକାନ୍ତ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୪ ର ପୁଲ ବିର ପ୍ରଥମ ମ୍ୟାଚ୍ ପାଳଲହଡା ଜୟ ଶ୍ରୀରାମ କ୍ରିକେଟ କ୍ଲବ ଓ ଜାମସେଦପୁର କ୍ରିକେଟ ଏକାଡେମୀ ଟାଟା ମଧ୍ୟରେ ଅନୁଷ୍ଠିତ ହୋଇଛି। ଏଥିରେ ଜୟ ଶ୍ରୀରାମ କ୍ରିକେଟ କ୍ଲବ ପ୍ରଥମେ ଟସ ଜିତି ବ୍ୟାଟିଂ କରିଥିଲା। ନିର୍ଦ୍ଧାରିତ ୨୫ ଓଭରରେ ଜୟ ଶ୍ରୀରାମ କ୍ରିକେଟ କ୍ଲବ ୯ ୱିକେଟ ହରାଇ ୧୬୧ ରନ କରିବାରେ ସକ୍ଷମ ହୋଇଥିଲା। ଏହାର ଜବାବରେ ଜାମସେଦପୁର କ୍ରିକେଟ ଏକାଡେମୀ ଟାଟା ୨୦ ଓଭରରେ ୪ ଉଇକେଟ ହରାଇ ୧୬୨ ରନ କରି ବିଜୟୀ ହୋଇ ପୁଲ ବି ର ପ୍ରଥମ ଦଳ ଭାବରେ ସେମି ଫାଇନାଲକୁ ଉନ୍ନିତ ହୋଇଛି।
ଜାମସେଦପୁର ଦଳର ଫଇଜଲ ଖାନ ୪ ଓଭର ବୋଲିଂ କରି ୨୯ ରନ ଦେଇ ୪ ଟି ଉଇକେଟ ହାସଲ କରି ଶ୍ରେଷ୍ଠ ଖେଳାଳି ଭାବରେ ମ୍ୟାନ ଅଫ ଦ ମ୍ୟାଚ ହୋଇଛନ୍ତି। ଅନ୍ୟମାନଙ୍କ ମଧ୍ୟରେ ବିଶ୍ୱଜିତ ମହାନ୍ତି ଓ ମାଧବ ସାହୁ ଖେଳ ପରିଚାଳନା କରିଥିଲେ।
ପୂର୍ବରୁ ପ୍ରଥମ ଦଳ ଭାବରେ ରାଉରକେଲା ଦଳ ଫାଇନାଲକୁ ଉନ୍ନିତ ହୋଇଥିବା ବେଳେ ଆସନ୍ତାକାଲି ପୁଲ ବି ର ଦ୍ୱିତୀୟ କ୍ଵାର୍ଟର ଫାଇନାଲ ମ୍ୟାଚ୍ ଜୁଭେଲାଇନ କଟକ ବନାମ ନିମପୁର କଟକ ମଧ୍ୟରେ ଅନୁଷ୍ଠିତ ହେବ।