କଣିହାଁ: ଅନୁଗୁଳ ଜିଲ୍ଲା କଣିହାଁ ବ୍ଲକ ଅନ୍ତର୍ଗତ କୁଳୁମା ପଞ୍ଚାୟତ ଖିଣ୍ଡୋ ପଥର କୁଆଁରୀରୁ ବେଆଇନ ବିସ୍ଫୋରକ ଜବତ ଘଟଣାରେ ବଡ଼ ସଫଳତା। ପୋଲିସ ଅଭିଯୁକ୍ତମାନଙ୍କୁ ଲୁଚାଇ ରଖିଥିବା ସହଯୋଗୀଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ହୋଇଥିବା ଅଭିଯୁକ୍ତ ସଞ୍ଜୟ କୁମାର ତ୍ରିପାଠୀ (୫୬)। ସେ ପଟ୍ଟାମୁଣ୍ଡାଇ–ହାଟପାଟଣା, କେନ୍ଦ୍ରାପଡ଼ା ଅଞ୍ଚଳର ବାସିନ୍ଦା।
ଏହି ଘଟଣାରେ କଣିହାଁ ଥାନାଧିକାରୀ ରମଣୀ ରଞ୍ଜନ ଦଳେଇ ଓ ପୋଲିସ ଟିମ୍ ତାଙ୍କୁ ଭୁବନେଶ୍ୱର ପଟିଆରୁ ଗିରଫ କରିଥିଲେ। ସୂଚନା ଅନୁଯାୟୀ, ବେଆଇନ ବିସ୍ଫୋରକ ଜବତ ମାମଲାରେ ସଞ୍ଜୟ ମୁଖ୍ୟ ଅଭିଯୁକ୍ତମାନଙ୍କୁ ଲୁଚାଇ ରଖି ସହାଯୋଗ କରୁଥିଲେ। ଏହି ଘଟଣାରେ ରେଙ୍ଗାଳି ଥାନାରେ ମକଦ୍ଦମା ସଂଖ୍ୟା ୨୧୧/୨୫ ରେ ଏକ ମାମଲା ରୁଜୁ ହୋଇ ତଦନ୍ତ ଚାଲିଛି।