ଅନୁଗୁଳ: ନାଲକୋର ଶ୍ରମିକ ସଙ୍ଗଠନ ଆଲୁମିନିୟମ ମଜଦୂର ସଂଘ ତରଫରୁ ବୁଧବାର ବଳରାମପ୍ରସାଦ କ୍ରିକେଟ ଖେଳ ପଡିଆ ନିକଟସ୍ଥ ପାହାଡ଼ ତଳେ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। କାର୍ଯ୍ୟକ୍ରମରେ ସ୍ମେଲଟର ପ୍ଲାଣ୍ଟର ଏକ ହଜାରରୁ ଊର୍ଦ୍ଧ୍ୱ କର୍ମଚାରୀ ଯୋଗ ଦେଇଥିଲେ। କାର୍ଯ୍ୟକାରୀ ସଭାପତି ଗୋପାଳ କୃଷ୍ଣ ମଲ୍ଲିକ ସ୍ୱାଗତ ଭାଷଣ କରିବା ସହ ଅତିଥିଙ୍କୁ ମଞ୍ଚାସୀନ କରାଇଥିଲେ। ଅତିଥି ମାନଙ୍କ ମଧ୍ୟରେ ସଙ୍ଗଠନର ପ୍ରତିଷ୍ଠାତା ଗୋକୁଳାନନ୍ଦ ଜେନା ଓ ଶତ୍ରୁଘ୍ନ ତରାଇ, ବରିଷ୍ଠ ବିଜେଡି ନେତା ମୀନକେତନ ଅମାନ୍ତ, ବିନୋଦ କୁମାର ସେଠ ଓ ଅମୀୟ ତ୍ରିପାଠୀ, ଭାରତୀୟ ମଜଦୂର ସଙ୍ଘର ରାଜ୍ୟ କୋଷାଧ୍ୟକ୍ଷ ସଞ୍ଜୟ ଦେହୁରୀ, କେନ୍ଦ୍ରୀୟ କାର୍ଯ୍ୟନିର୍ବାହୀ ସଦସ୍ୟ ସୁରଭି ସ୍ୱାଇଁ ଓ ବିନୟ କୁମାର ତ୍ରିପାଠୀ, ଅନୁଗୁଳ ଜିଲ୍ଲା ସଭାପତି ପ୍ରଶାନ୍ତ ସାହୁ ଓ ଜିଲ୍ଲା ସମ୍ପାଦକ ଅଜୟ କୁମାର ପାଢ଼ୀ ଉପସ୍ଥିତ ଥିଲେ। ଆଲୁମିନିୟମ ମଜଦୂର ସଂଘର ସଭାପତି ମୁନା ସାମଲ ଧନ୍ୟବାଦ ଅର୍ପଣ କରିଥିଲେ।