ଅନୁଗୁଳ: ରବିବାର ପଞ୍ଚାୟତ ରାଜ ହାଇ ସ୍କୁଲ ସାନହୁଲା ଠାରେ ଭାରତ ସ୍କାଉଟ ଓ ଗାଇଡ଼ ଅନୁଗୁଳ ଶାଖା ପକ୍ଷରୁ ଏକ ରକ୍ତ ଦାନ ଶିବିର ଆୟୋଜିତ ହୋଇଥିଲା। ଭାରତ ସ୍କାଉଟ ଓ ଗାଇଡ଼ ଅନୁଗୁଳ ଶାଖା ସମ୍ପାଦକ ପ୍ରଶାନ୍ତ କୁମାର ସିଂହ୍ନା,ସ୍କୁଲର ପ୍ରଧାନ ଶିକ୍ଷକ ବିଶ୍ୱନାଥ ପ୍ରଧାନ ଓ ସାନହୁଲା ଦୁର୍ଗା ପୂଜା କମିଟିର ସଭାପତି ସୁକୁମାର ନାୟକ ଅତିଥି ରୂପେ ଶିବିରକୁ ଉଦଘାଟନ କରିଥିଲେ। ଶିବିରରୁ ମୋଟ ୭୨ ୟୁନିଟ ରକ୍ତ ସଂଗୃହୀତ ହୋଇଥିଲା। ସ୍କାଉଟ ଗାଇଡ଼ ଛାତ୍ର ଛାତ୍ରୀ,ଶିକ୍ଷକ ଶିକ୍ଷୟିତ୍ରୀ, ପୂଜା କମିଟି ସଦସ୍ୟମାନେ ଶିବିର ପରିଚାଳନାରେ ସହାୟତା କରିଥିଲେ। ଅନୁଗୁଳ ରକ୍ତ ଭଣ୍ଡାରର କର୍ମଚାରୀମାନେ ରକ୍ତ ସଂଗ୍ରହ କରିଥିଲେ ।