ଅନୁଗୁଳ: ଜିଲ୍ଲା ରକ୍ତ ଭଣ୍ଡାରରେ ଏଚ୍ଡିଏଫ୍ସି ବ୍ୟାଙ୍କ ପକ୍ଷରୁ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଯାଇଛି।ଅନୁଗୁଳ ସିଡିଏମଓ ଡା ତ୍ରିଲୋଚନ ପ୍ରଧାନ ମୁଖ୍ୟ ଅତିଥି ଭାବେ ଶିବିରକୁ ଉଦଘାଟନ କରିଥିଲେ। ବ୍ୟାଙ୍କର ଅପରେସନ ମ୍ୟାନେଜର ଶେଖ ମାସିମ ଓ କ୍ଲସଟର ହେଡ ଅପରେସନ ମୁଖ୍ୟ ସୁନୀଲ ପଣ୍ଡାଙ୍କ ତତ୍ୱାବଧାନରେ ଆୟୋଜିତ ଏହି ରକ୍ତଦାନ ଶିବିରରେ ବହୁ ବ୍ୟାଙ୍କ କର୍ମଚାରୀ ଓ ସହରର ଗଣମାନ୍ୟ ବ୍ୟକ୍ତି ଉତ୍ସାହର ସହ ରକ୍ତଦାନ କରିଥିଲେ।
ଶିବିରକୁ ଶାଖା ପରିଚାଳକ ସିଦ୍ଧାର୍ଥ ତ୍ରିପାଠୀଙ୍କ ସମେତ ପ୍ରିୟମ୍ବଦା ମହାନ୍ତି, ମୋନାଲିସା ପଣ୍ଡା, ସ୍ନେହାସିସ ମହାପାତ୍ର, ବିଜୟ ଲକ୍ଷ୍ମୀ ସାହୁ ଓ ଦୀପକ ମହାରଣା ପ୍ରମୁଖ ପରିଚାଳନା କରିଥିଲେ। ଶିବିରରୁ ମୋଟ ୫୧ ୟୁନିଟ ରକ୍ତ ସଂଗୃହୀତ ହୋଇଥିଲା।