ଅନଗୁଳ : ସ୍ଥାନୀୟ ଓ ପି ଜିନ୍ଦଲ ସ୍କୁଲ ପରିସରରେ ଦୁଇ ଦିବସୀୟ ପୁସ୍ତକ ମେଳା ଆୟୋଜିତ ହୋଇଛି, ଏ ଅବସରରେ ବିଭିନ୍ନ ପାଠ୍ୟ ପୁସ୍ତକ ସାଙ୍ଗକୁ ଛାତ୍ରଙ୍କୁ ଆକୃଷ୍ଟ କରିବା ନିମନ୍ତେ ଗଳ୍ପ ଏବଂ ଏକାଙ୍କିକା ପୁସ୍ତକ ପ୍ରଦର୍ଶିତ କରାଯାଇଛି। ସ୍କୁଲ କାର୍ଯ୍ୟ ସମିତିର ଅଧ୍ୟକ୍ଷ ଦାମୋଦର ମିତ୍ତଲ ପୁସ୍ତକ ମେଳାର ଶୁଭାରମ୍ଭ କରିଥିଲେ। ସେ ଛାତ୍ରଛାତ୍ରୀଙ୍କୁ ପୁସ୍ତକ ମେଳାର ଭରପୁର ଆନନ୍ଦ ନେବା ସହ ଜ୍ଞାନବର୍ଦ୍ଧକ ବହି ପଢିବାକୁ ଉପଦେଶ ଦେଇଛନ୍ତି।
ଉଦଘାଟନୀ ଉତ୍ସବରେ ଶିପ୍ରା ଝା ଏବଂ ସୁଜାତା ସାରୋଗୀ ସ୍ୱାଗତ ଭାଷଣ ପ୍ରଦାନ କରିଥିଲେ। ଛାତ୍ରଛାତ୍ରୀ ମିଳିତ ଭାବେ ସଙ୍ଗୀତ ଉପସ୍ଥାପନ କରିଥିବା ବେଳେ ମାୟାରା ଚୌହାନ ଏବଂ ଅଭୟ ଦୁବେ ‘ଆମ ଜୀବନରେ ବହିର ଗୁରୁତ୍ୱ’ ଉପରେ ପ୍ରେରଣାଦାୟୀ ସମ୍ଭାଷଣ ଦେଇଥିଲେ।