ଘଟଣା ଓ ଦୁର୍ଘଟଣା

ଶୌଚ ହେବାକୁ ଯାଇଥିଲେ, ପୋଖରୀରେ ବୁଡ଼ି ଶିଶୁ ପୁତ୍ର ମୃତ

By Angul TV Bureau

March 30, 2025

ଅନୁଗୁଳ: ଶିଶୁର ସଲିଳ ସମାଧି। ଅନୁଗୁଳ ବ୍ଲକ ଶାବଳ ଭଙ୍ଗା ଗ୍ରାମରେ ରବିବାର ଅପରାହ୍ନରେ ପାଣିରେ ବୁଡ଼ି ଏକ ଶିଶୁ ପୁତ୍ରର ମୃତ୍ୟୁ ଘଟିଛି। ମୃତକ ହେଲେ ଶାବଳ ଭଙ୍ଗା ଗ୍ରାମର ବିଭୂତି ସେଠୀଙ୍କ ପୁଅ ବାଦଲ ସେଠୀ (୬)।

ସୂଚନା ମୁତାବକ, ଘର ଠାରୁ କିଛି ଦୂରରେ ଥିବା ପୋଖରୀକୁ ବାଦଲ ଶୌଚ ହେବାକୁ ଯାଇଥିଲେ। ପୋଖରୀ ହୁଡ଼ାରେ ଗୋଡ଼ ଖସିଯିବାରୁ ସେ ପାଣିରେ ବୁଡ଼ି ଯାଇଥିଲେ। କିଛି ସମୟ ପରେ ଲୋକେ ପୋଖରୀରେ ଶିଶୁଟି ଭାସୁଥିବା ଦେଖି ହୁଡ଼ା ଉପରକୁ ଆଣିଥିଲେ। କିନ୍ତୁ ସେତେବେଳକୁ ବାଦଲର ମୃତ୍ୟୁ ହୋଇସାରିଥିଲା। ଶିଶୁର ମୃତ୍ୟୁ ପରେ ଗାଁରେ ଶୋକର ଛାୟା ଖେଳି ଯାଇଛି।