ଟଙ୍କା ହଡ଼ପ କରି କର୍ମଚାରୀ ଗିରଫ

ଅନୁଗୁଳ: ଅନୁଗୁଳ ସହର ଅମଲାପଡ଼ା ଅଞ୍ଚଳରେ ଥିବା ଏକ ଔଷଧ ହୋଲସେଲ ଦୋକାନରେ କାମ କରୁଥିବା ସୁଦର୍ଶନ ମହାରଣା(୨୪) ନାମକ ଜଣେ କର୍ମଚାରୀ ୩ ଲକ୍ଷ ୬୦ ହଜାର ଟଙ୍କା ଆତ୍ମସାତ କରିବା ଅଭିଯୋଗରେ ରବିବାର ଗିରଫ ହୋଇଛନ୍ତି । ଔଷଧ ହୋଲସେଲ ଦୋକାନର ମାଲିକ ଚନ୍ଦ୍ରମଣି କର ଅନୁଗୁଳ ଥାନାରେ ଦେଇଥିବା ଅଭିଯୋଗ ମୁତାବକ, ତାଙ୍କ କର୍ମଚାରୀ ସୁଦର୍ଶନ ତାଙ୍କଠାରୁ ଔଷଧ ନେଇ ଔଷଧ ବିକ୍ରି କରୁଥିବା ରିଟେଲ ଦୋକାନମାନଙ୍କୁ ଦିଅନ୍ତି । ସେମାନଙ୍କ ଠାରୁ ଟଙ୍କା କଲେକ୍‌ସନ କରି ତାଙ୍କୁ ପ୍ରଦାନ କରନ୍ତି । ସେ ରିଟେଲ ଔଷଧ ଦୋକାନୀଙ୍କ ଠାରୁ ଅର୍ଥ ଆଦାୟ କରିଥିଲେ ମଧ୍ୟ ତାଙ୍କୁ ନ ଦେଇ ନିଜେ ଆତ୍ମସାତ କରି ଦେଇଥିଲେ । ଏବିଷୟରେ ସେ ଜାଣିବା ପରେ ସୁଦର୍ଶନକୁ ପଚାରି ଥିଲେ । ସୁଦର୍ଶନ ମଧ୍ୟ ଟଙ୍କା ଆତ୍ମସାତ କରିଥିବାର ସ୍ଵୀକାର କରିଥିଲେ । ଏହାପରେ ସେ ଅନୁଗୁଳ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରି ରବିବାର କୋର୍ଟ ଚାଲାଣ କରିଛି ।