ଅନୁଗୁଳ: ଅନୁଗୁଳ ଜିଲ୍ଲା ବଅଁରପାଳ ବ୍ଲକ ଗୋତମରା ପଞ୍ଚାୟତ ଅନ୍ତର୍ଗତ ମେଡିକାଲ କଲୋନିରେ ଜବରଦଖଲ ଉଚ୍ଛେଦ। ସ୍ଥାନୀୟ ତହସିଲଦାରଙ୍କ ଉପସ୍ଥିତିରେ ଏକ ସରକାରୀରୁ ଜବରଦଖଲ ଉଚ୍ଛେଦ ସହ ବେଆଇନ ଭାବେ ହୋଇଥିବା ପାଚେରିକୁ ହଟାଯାଇଛି।
ସୂଚନା ମୁତାବକ, ମେଡିକାଲ କଲୋନିରେ ପୂର୍ବରୁ ଗ୍ରିଡକୋର ଏକ ବିଦ୍ୟୁତ ଟାୱାର ଖୁଣ୍ଟ ଥିଲା। ଏହା ପରେ ଉଠିଯାଇଥିଲା। ଉକ୍ତ ସ୍ଥାନରେ କିଛି ଗୋଚର ଜମି ବି ଥିଲା। ଜଣେ ସ୍ଥାନୀୟ ବାସିନ୍ଦା ନିଜ ଜମି ସହ ଉକ୍ତ ଜମିକୁ ନିଜର ବୋଲି ଦାବି କରି ସେଠାରେ ପାଚେରି ଉଠାଇଥିଲେ। ଏ ନେଇ କଲୋନି ବାସିନ୍ଦା ତହସିଲଦାରଙ୍କୁ ଅଭିଯୋଗ କରିଥିଲେ। ଅଭିଯୋଗ ପାଇ ତହସିଲଦାର ସୁଶାନ୍ତ କୁମାର ମିଶ୍ର ଘଟଣାସ୍ଥଳରେ ପହଞ୍ଚି ତଦନ୍ତ କରି ଜବରଦଖଲକାରୀଙ୍କୁ ପାଚେରି ଭାଙ୍ଗିବାକୁ ନିର୍ଦ୍ଦେଶ ଦେଇଥିଲେ। ଆଜି ତାହା କାର୍ଯ୍ୟକାରୀ ହୋଇଛି।