ଅନୁଗୁଳ: ଅନୁଗୁଳ ଜିଲ୍ଲା ତାଳଚେର ପୌରପରିଷଦ ଅନ୍ତର୍ଗତ ବାଘୁଆବୋଲ ସ୍ଥିତ ସରକାରୀ ଆଇଟିଆଇ କ୍ୱାର୍ଟର୍ସରେ ନିଆଁ ଲାଗି ସମସ୍ତ ଆସବାବ ପତ୍ର ଜଳିଯାଇଛି। କ୍ୱାର୍ଟର୍ସର ଦୁଇ ମହଲା ଘରେ ନିଆଁ ଯାଇ ହଠାତ୍ ହୁହୁ ହୋଇ ଜଳିଥିଲା। ରୋଷେଇ ଘରୁ ନିଆଁ ପ୍ରଥମେ ଏସିକୁ ଧରିଥିଲା। ତା’ପରେ ପୂରା ଘରକୁ ବ୍ୟାପୀ ଥିଲା। ଏସମ୍ପର୍କରେ ଅଗ୍ନିଶମ ବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡରେ ଘର ଭିତରେ ଥିବା ଏସି, ଫ୍ରିଜ୍, କୁଲର ଓ ଅନ୍ୟାନ୍ୟ ଆସବାବ ପତ୍ର ପୋଡ଼ି ନଷ୍ଟ ହୋଇଯାଇଛି। ସର୍ଟସର୍କିଟ ଯୋଗୁ ଏହି ନିଆଁ ଲାଗିଥିବା ଅନୁମାନ କରାଯାଉଛି। ତଦନ୍ତ ପରେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ିବ।