ବିପୁଳ ମଦ ଜବତ, ୫ ଜଣ ଗିରଫ

ବଇଣ୍ଡା: ସ୍ଥାନୀୟ ହଣ୍ଡପା ପୋଲିସ ବିଭିନ୍ନ ଗ୍ରାମରେ ଚଢ଼ଉ କରି ଚୋରା ମଦ ଜବତ କରିବା ସହ ମଦ ତିଆରି ଓ ବ୍ୟବସାୟରେ ସମ୍ପୃକ୍ତ ୪ ଜଣଙ୍କୁ ଗିରଫ କରିଛି l କଣ୍ଡାଳ ଗ୍ରାମରେ ଚଢ଼ଉ କରି ଏଲି ବେହେରାଙ୍କ ଠାରୁ ୧୩ ଲିଟର ଚୋରା ମଦ ଜବତ କରିଛି l ଏଥିସହ ତାଙ୍କୁ ଗିରଫ କରାଯାଇଛି l

ସେହିପରି ପାପସରା ଗ୍ରାମରେ ଚଢ଼ଉ କରି ସୁଭଦ୍ରା ସାହୁଙ୍କ ଠାରୁ ୧୮ ଲିଟର, ଲୁହାମୁଣ୍ଡାର ବିପ୍ଳବ ସାହୁଙ୍କ ଠାରୁ ୧୦ ଲିଟର ବିଦେଶୀ ମଦ, ଦୟାନିଧି ସ୍ୱାଇଁଙ୍କ ଠାରୁ ୧୨ ଲିଟର ବିଦେଶୀ ମଦ ଜବତ କରାଯାଇଛି l

ଅନ୍ୟପଟେ କିଶୋରନଗର ପୋଲିସ ଧଉରାପାଲି ଗ୍ରାମର ଅନିରୁଦ୍ଧ ବିଶ୍ୱାଳଙ୍କ ଠାରୁ ୪୨ ଟି ପାଉଚ ଜବତ କରିଛି l ଏଥିସହ ସେମାନଙ୍କୁ ଗିରଫ କରାଯାଇ ମାମଲା ରୁଜୁ କରାଯାଇଥିବା ସୂଚନା ମିଳିଛି l