ଅନ୍ୟାନ୍ୟ

ହୁଲୁରୁସିଂହା ୟୁପି ସ୍କୁଲର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀଙ୍କ ପରଲୋକ

By Biswaranjan Pattnaik

January 09, 2025

ଅନୁଗୁଳ: ବୁଧବାର ସନ୍ଧ୍ୟାରେ ଭୁବନେଶ୍ୱରର ଏକ ଘରୋଇ ହସପିଟାଲରେ ହୁଲୁରୁସିଂହା ୟୁପି ସ୍କୁଲର ପ୍ରଧାନ ଶିକ୍ଷୟିତ୍ରୀ ସୁଷମା ସାମଲଙ୍କ ୫୮ ବର୍ଷ ବୟସରେ ପରଲୋକ ଘଟିଛି। ସେ ପେଟ ରୋଗରେ ପୀଡିତ ହୋଇ ଚିକିତ୍ସିତ ହେଉଥିଲେ। ମୃତ୍ୟୁ ବେଳକୁ ତାଙ୍କ ପୁଅ, ସାନ ଭଉଣୀ ଓ ପୁତୁରା ପାଖରେ ଉପସ୍ଥିତ ଥିଲେ। ସ୍ବର୍ଗତା ସାମଲଙ୍କ ମର ଶରୀରକୁ ଖଲାରୀ ସ୍ଥିତ ଘରକୁ ନିଆଯାଇ ପରେ ସ୍କୁଲକୁ ନିଆ ଯାଇଥିଲା। ସେଠାରେ ସ୍କୁଲ ପରିଚାଳନା କମିଟି ସଦସ୍ୟ ମାନେ ଦିବଙ୍ଗଗତ ଆତ୍ମା ପ୍ରତି ଶ୍ରଦ୍ଧା ସୁମନ ଅର୍ପଣ କରିଥିଲେ। ଦିଦିଙ୍କ ବିୟୋଗରେ ଛୋଟ ଛୋଟ ପିଲାମାନେ କାନ୍ଦି ଗଡି ଯାଉଥିଲେ। ଏହି ଦୃଶ୍ୟ ଅନେକଙ୍କୁ ଭାବ ବିହ୍ଵଳିତ କରିଥିଲା।ଶେଷରେ ସ୍ବର୍ଗତା ସାମଲଙ୍କୁ ଶାଶୂଘର କୁରୁମିଠା ନିଆଯାଇ ସେଠାରେ ଅନ୍ତ୍ୟେଷ୍ଟି କ୍ରିୟା ସମାପନ କରାଯାଇଥିଲା।