ରାସ୍ତା କଡ଼ରୁ ନବଜାତକର ମୃତ ଦେହ ଉଦ୍ଧାର

ଅନୁଗୁଳ: ଅନୁଗୁଳ ସଦର ଥାନା ଅନ୍ତର୍ଗତ ବେନ୍ତପୁର ଗାଁ ମୁଣ୍ଡରେ ନିର୍ମାଣାଧୀନ ବାଇପାସ ରାସ୍ତା କଡ଼ରୁ ଏକ ନବଜାତକଙ୍କ ମୃତ ଦେହ ଉଦ୍ଧାର ହୋଇଛି।

ସୂଚନା ମୁତାବକ, ଗୁରୁବାର ଅପରାହ୍ନରେ ବାଇପାସ ଦେଇ ଯାଉଥିବା ବେଳେ ଏକ ନବଜାତକ ରାସ୍ତା ପାର୍ଶ୍ଵରେ ପଡ଼ିଥିବାର ଜଣେ ସ୍ଥାନୀୟ ଲୋକ ଦେଖିବାକୁ ପାଇଥିଲେ। ଏହି ଖବର ପ୍ରଚାରିତ ହେବା ପରେ ଅନୁଗୁଳ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚିଥିଲା। ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତ ଶରୀର ଜବତ ହେବା ସହ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଥିବା ଜଣାଯାଇଛି। ନବଜାତକକୁ କିଏ ଏଠାରେ ଆଣି ପକାଇଛି ସେ ନେଇ ପୋଲିସ ତଦନ୍ତ ଆରମ୍ଭ କରିଛି।