ଆଜି ଠାରୁ ନାଇଟ୍ କର୍ଫ୍ୟୁ, ସହର ଉପକଣ୍ଠରେ ମଧ୍ଯ ଜୋରଦାର ଯାଞ୍ଚ

ଅନୁଗୁଳ: ଆଜି ଠାରୁ ଫେବ୍ରୁଆରୀ ୧ ତାରିଖ ପର୍ଯ୍ୟନ୍ତ ରାତି ୯ଟାରୁ ସକାଳ ୫ଟା ପର୍ଯ୍ୟନ୍ତ ନାଇଟ୍‌ କର୍ଫ୍ୟୁ ଜାରି କରିଛନ୍ତି ରାଜ୍ୟ ସରକାର। ଅନୁଗୁଳ ଜିଲ୍ଲାର ୫୦ଟି ସ୍ଥାନରେ ଏହି ନାଇଟ୍ କର୍ଫ୍ୟୁକୁ କଡାକଡ଼ି ପାଳନ କରିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ଅନୁଗୁଳ ପୌରାଞ୍ଚଳ ସହିତ ସହିତ ସହର ଉପକଣ୍ଠ ତୁରଙ୍ଗ ପଞ୍ଚାୟତ, ସୁସୁଡା ପଞ୍ଚାୟତ, ଖଲାରୀ, ଜରାସିଂହା, କୁମଣ୍ଡ, ଛେଳିଆପଡ଼ା ଛକ, ନୂଆମୌଜା ଛକ, କୁମୁରିସିଂହା ଛକ, ବନ୍ତଳା ଛକ ଓ ବଡ଼କେରା ଛକରେ ନାଇଟ୍‌ଫ୍ୟୁ କଡାକଡ଼ି କରାଯିବ। ସେହିପରି ବଅଁରପାଳର ବଅଁରପାଳ ଟାଉନ୍, ନାଲକୋ ଟାଉନ୍, ମହୀଧରପୁର ଛକ, ଜରପଡ଼ା ଜଙ୍କସନ୍, ହିନ୍ଦୋଳ-କଟକ ସୀମାନ୍ତର ଚେକ୍ ପଏଣ୍ଟ, ବଅଁରପାଳ– ଢେଙ୍କାନାଳ ସୀମାନ୍ତ ଚେକ୍‌ ପଏଣ୍ଟ ଓ ମହୀଧରପୁର-ଢେଙ୍କାନଳ ଚେକ୍‌ ପଏଣ୍ଟ ସହିତ ଛଣ୍ଡିପଦା ବ୍ଳକର ଛେଣ୍ଡିପଦା ଟାଉନ୍, ନୂଆପଡ଼ା ଛକ, ଛେଣ୍ଡିପଦା-ଦେବଗଡ଼ ସୀମାନ୍ତ ଚେକ୍‌ ପଏଣ୍ଟ, ପାତ୍ରପଡ଼ା, ରେଢ଼ାଖୋଲ ସୀମାନ୍ତ ଚେକ୍‌ ପଏଣ୍ଟ ଆଦିରେ ନାଇଟ୍ କର୍ଫ୍ୟୁ ଲାଗୁ କରାଯାଇଛି। ତାଳଚେର ପୌରାଞ୍ଚଳ ସହିତ ଏଫ୍‌ସିଆଇ ଛକ, ତାଳଚେର-ସରାଙ୍ଗ, ତାଳଚେର ରୋଡ୍, କଣିହାଁ-ଦେବଗଡ଼ ସୀମାନ୍ତ ଚେକ୍‌ ପଏଣ୍ଟ, ଟିଟିପିଏସ୍ ଥର୍ମାଲ୍ ବଜାର ଓ ହାଟ, କଣିହାଁ ସହରାଞ୍ଚଳ, ବହୁର ଛକ, ହାଟତୋଟା ଛକ, ଶର୍ମା ଛକ, ହାଣ୍ଡିଧୂଆ ଛକ, ଏନ୍‌ଟିପିସି ବାଇପାସ୍ ଛକ, ରେଙ୍ଗାଳି ମାର୍କେଟ୍ ଓ ସାମଲ ମାର୍କେଟ୍‌ରେ ନାଇଟ୍ କର୍ଫ୍ୟୁକୁ କଡାକଡ଼ି ଭାବେ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି। ସେହିପରି ଆଠମଲ୍ଲିକ ଏନ୍‌ଏସି, ବାମୁର ସମ୍ବଲପୁର ସୀମାନ୍ତ ଚେକ୍ ପଏଣ୍ଟ, ଆଠମଲ୍ଲିକ-ବୌଦ୍ଧ ସୀମାନ୍ତ ଚେକ୍‌ ପଏଣ୍ଟ, ବଇଣ୍ଡା ଜଙ୍କସନ୍, ବଇଣ୍ଡା ଜଙ୍କସନ୍, କିଶୋରନଗର, ମାଧପୁର ଜଙ୍କସନ୍, କିଆକଟା ଜଙ୍କସନ୍, ଠାକୁରଗଡ଼ ବଜାର, ପାଳଲହଡ଼ା ଟାଉନ୍, ସଇଡା, ଖୁଲୁଡି, ଖମାର ଓ କଣ୍ଢେଇପଶିରେ ନାଇଟ୍‌କର୍ଫ୍ୟୁକୁ କଡାକଡ଼ି ସହ ଯାଞ୍ଚକୁ ଜୋରଦାର କରିବାକୁ ନିର୍ଦ୍ଦେଶ ଦିଆଯାଇଛି । କଟକଣା ଉଲଂଘନକାରୀଙ୍କ ଉପରେ ତୀକ୍ଷ୍ଣ ନଜର ରଖିବାକୁ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ସମେତ ସମସ୍ତ ଉପଜିଲ୍ଲାପାଳ, ସମସ୍ତ ବିଡିଓ, ସମସ୍ତ ତହସିଲ୍‌ଦାର, ସମସ୍ତ ପୌରାଞ୍ଚଳର ପୌର ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ।