ନାବାଳିକାକୁ ଦୁଷ୍କର୍ମ, ଯୁବକ ଗିରଫ

ଅନୁଗୁଳ : ଅନୁଗୁଳ ଜିଲ୍ଲା ବନ୍ତଳା ଥାନା ଅଞ୍ଚଳର ଜନୈକା ନାବାଳିକାକୁ ଦୁଷ୍କର୍ମ କରିବା ଅଭିଯୋଗରେ ପୋଲିସ ସୋମବାର ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି ।

ସୂଚନା ଯେ, କଟକ ଜିଲ୍ଲା ନରସିଂହପୁର ଜିଲିଣ୍ଡା ଜାନିସାହିର ରଞ୍ଜନ ଗଡ଼ନାୟକ(୨୮) ବନ୍ତଳା ଥାନା ଅଞ୍ଚଳର ନାବାଳିକା ପ୍ରେମ ସମ୍ପର୍କ ରଖି ଶାରୀରିକ ସମ୍ପର୍କ ସ୍ଥାପନ କରିଥିଲେ । ଫଳରେ ନାବାଳିକା ଗର୍ଭବତି ହୋଇଥିଲେ। ଏହା ଜାଣିବାପରେ ରଞ୍ଜନ ଘରଛାଡ଼ି ରାଜ୍ୟ ବାହାରକୁ ପଳାଇଥିଲେ। ଏ ନେଇ ନାବାଳିକା ଗତ ୬ ତାରିଖରେ ବନ୍ତଳା ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପାଇ ପୋଲିସ ଏକ ମାମଲା ରୁଜୁକରି ଘଟଣାର ତଦନ୍ତ ଆରମ୍ଭ କରିଥିଲା। ବିଶ୍ୱସ୍ତସୂତ୍ରରୁ ଖବରପାଇ ପୋଲିସର ଏକ ଟିମ୍ ଆନ୍ଧ୍ରରୁ ଅଭିଯୁକ୍ତ ରଞ୍ଜନଙ୍କୁ ଗିରଫ କରି ସୋମବାର କୋର୍ଟଚାଲାଣ କରିଛି ।