ଅନୁଗୁଳ: ଅନୁଗୁଳ ଜିଲ୍ଲା ବଅଁରପାଳ ହାଟରେ ଦେଶୀମଦ ବିକ୍ରୀ ଅଭିଯୋଗରେ ପୁଲିସ ଜଣଙ୍କୁ ଗିରଫ କରିଛି। ସୂଚନା ମୁତାବକ, ବଅଁରପାଳ ଥାନା ଅନ୍ତର୍ଗତ ଲଙ୍ଗୁଳିଆବେଡ଼ା ଗାଁର ଦୁଷ୍ମନ୍ତ ନାଏକ(୪୧) ମଙ୍ଗଳବାର ବଅଁରପାଳ ସାପ୍ତାହିକ ହାଟରେ ଦେଶୀମଦ ବିକ୍ରୀ କରୁଥିଲେ। ଏ ନେଇ ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ଦୁଷ୍ମନ୍ତଙ୍କୁ ଗିରଫ କରିବାସହ ତାଙ୍କଠାରୁ ୧୦ ଲିଟର ଦେଶୀମଦ ଜବତ କରିଛି। ଏ ନେଇ ଏକ ମାମଲା ରୁଜୁକରି ଦୁଷ୍ମନ୍ତଙ୍କୁ କୋର୍ଟ ଚାଲାଣ କରିଛି।