କାଲିଠୁ ରାଜ୍ୟରେ ଧାନ କିଣା ଆରମ୍ଭ: ବାତ୍ୟା ଭୟ ମଧ୍ୟରେ ସରକାର ପ୍ରସ୍ତୁତ

ଭୁବନେଶ୍ବର: ବାତ୍ୟା ସମ୍ଭାବନା ମଧ୍ୟରେ କାଲିଠୁ ରାଜ୍ୟରେ ଧାନ କିଣା ପ୍ରକ୍ରିୟା ଆରମ୍ଭ ହେବ। ଗତବର୍ଷ ତୁଳନାରେ ଏଥର ଧାନ କିଣା ଟାର୍ଗେଟ ଅଧିକ ରଖାଯାଇଛି। ଚାଷୀମାନଙ୍କ ସୁବିଧା ପାଇଁ ମଣ୍ଡିଗୁଡିକରେ ସ୍ୱତନ୍ତ୍ର ବ୍ୟବସ୍ଥା ହୋଇଛି। ଧାନ କିଣା ଉପରେ ତୀକ୍ଷଣ ନଜର ରଖିବା ପାଇଁ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି ବୋଲି ସମବାୟ ମନ୍ତ୍ରୀ କହିଛନ୍ତି।

ମଣ୍ଡି ଖୋଲିବା ପରେ କୌଣସି ଅସୁବିଧା ଦେଖାଦେଲେ ତୁରନ୍ତ ସମାଧାନ ହେବ। କଟଣି–ଛଟଣି ଉପରେ ମଧ୍ୟ ସରକାର ନଜର ରଖିଛନ୍ତି‌। ଯଦି ଚାଷୀ ଓ ମିଲର ମିଶି ସଲା ସୁତୁରା କରିବେ, ତେବେ ତାହା ସରକାରୀ ନିୟନ୍ତ୍ରଣରେ ନୁହେଁ ବୋଲି ମଧ୍ୟ ମନ୍ତ୍ରୀ ସ୍ପଷ୍ଟ କରିଦେଇଛନ୍ତି।