କିଶୋରନଗର ବ୍ଲକବାସୀଙ୍କୁ ୩ ମାସ ହେଲା ମିଳିନି ରାସନ, ଅଭିଯୋଗ ପରେ ବି ନୀରବଦ୍ରଷ୍ଟା ସାଜିଛି ପ୍ରଶାସନ

କିଶୋରନଗର: କିଶୋରନଗର ବ୍ଲକର ଅନେକ ପଞ୍ଚାୟତବାସୀଙ୍କୁ ୩ ମାସ ହେଲାଣି ରାସନ ସାମଗ୍ରୀ ମିଳିନାହିଁ। ଫଳରେ ସେମାନେ ବହୁ କଷ୍ଟରେ ଜୀବନ ବିତାଉଛନ୍ତି।

ସୂଚନା ମୁତାବକ, ବ୍ଲକର ସଂଜାମୁରା, ରଣିଆକଟା, କଦଳୀ ମୁଣ୍ଡା ଓ ହଣ୍ଡପା ଆଦି ଅନେକ ପଞ୍ଚାୟତର ରାସନ କାର୍ଡ଼ ହିତାଧିକାରୀଙ୍କୁ ଏବେ ଯାଏଁ ରାସନ ସାମଗ୍ରୀ ମିଳିନାହିଁ। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ କେହି ଶୁଣୁ ନାହାନ୍ତି। ଏଣୁ ପ୍ରଶାସନ ଏଥିପ୍ରତି ତୁରନ୍ତ ପଦକ୍ଷେପ ଗ୍ରହଣ କରି ୩ ମାସର ରାସନ ସାମଗ୍ରୀ ଯୋଗାଇ ଦେବାକୁ ସାଧାରଣରେ ଦାବି ହେଉଛି।