ଅନୁଗୁଳ: ରୋଟାରୀ କ୍ଲବ ଅନୁଗୁଳ ରୟାଲ ତତଫରୁ ରକ୍ତ ଦାନ ଶିବିର ସହିତ ଏକ ବିଶାଳ ସ୍ବାସ୍ଥ୍ୟ ଏବଂ ସଚେତନତା ଶିବିର ବଇଣ୍ଡା ପଞ୍ଚାୟତ ସମିତି ଗୃହ ପରିସରରେ ଅନୁଷ୍ଠିତ ହୋଇଯାଇଅଛି। ରୋଟାରୀ ରୟାଲର ସଭାପତି ରୋଟାରିଆନ ଡାକ୍ତର କୁମାର ସୌମ୍ୟକାନ୍ତ ବିଶୋଇ ଏବଂ ରୋଟାରିଆନ କୈଳାସ ଅଗ୍ରୱାଲାଙ୍କ ଅଧ୍ୟକ୍ଷତାରେ ଏହି ଶିବିରର ଆୟୋଜନ କରାଯାଇଥିଲା। ଏହି ଶିବିରରେ ଚର୍ମ, କାନ, ନାକ, ଗଲା, ଅସ୍ଥିଶଲ୍ୟ, ଶିଶୁରୋଗ, ଦାନ୍ତ, ଭେଷଜ, ଏବଂ ମାନସିକ ରୋଗ ବିଶେଷଜ୍ଞଙ୍କ ଦ୍ଵାରା ସ୍ବାସ୍ଥ୍ୟ ପରୀକ୍ଷା କରାଯାଇଥିଲା।
ଶିବିରରେ ଚର୍ମ ବିଶେଷଜ୍ଞ ଡାକ୍ତର ବିଛନ୍ଦ ପ୍ରଧାନ, ବିଶ୍ୱଜିତ୍ ସାମଲ, ମାନସିକ ରୋଗ ବିଶେଷଜ୍ଞ ଡାକ୍ତର ରଶ୍ମିତା ଭଞ୍ଜଦେଓ,ଭେଷଜ ବିଶେଷଜ୍ଞ ଡାକ୍ତର ଦେବାଶିଷ ପ୍ରଧାନ,ଡାକ୍ତର ଶ୍ୱେତା ସର, ଡାକ୍ତର କୁମାର ସୌମ୍ୟକାନ୍ତ ବିଶୋଇ,ଦନ୍ତ ଚିକିତ୍ସକ ଡାକ୍ତର ଶଶାଙ୍କ ଶେଖର ସାହୁ,ଡ଼ଃ ମାଇକେଲ ଜନ, ଅସ୍ଥିଶଲ୍ୟ ବିଶେଷଜ୍ଞ ଡ଼ଃ ଆଶୁତୋଷ ମିଶ୍ର, ଶିଶୁ ରୋଗ ବିଶେଷଜ୍ଞ ଡାକ୍ତର ସ୍ମୃତି ରଞ୍ଜନ ବିଶ୍ଵାଳ,ନାକ କାନ ଗଳା ବିଶେଷଜ୍ଞ ଡାକ୍ତର ଅନିଶ ସେଖଙ୍କ ଦ୍ଵାରା ୧୭୧ ଜଣଙ୍କ ରୋଗୀଙ୍କ ନିଶୁଳ୍କ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା।
ରକ୍ତର ଆବଶ୍ୟକତାକୁ ଆଖି ଆଗରେ ରଖି କ୍ଲବ ତରଫରୁ ୪୨ ୟୁନିଟ ରକ୍ତ ସଂଗ୍ରହ କରଯାଇଥିଲା।ରୋଟାରୀ କ୍ଲବ ତରଫରୁ ସମ୍ପାଦକ ରୋଟାରିଆନ ନିହାର ରଞ୍ଜନ ପ୍ରସାଦ,ମିଲନ କୁମାର ଅଗ୍ରୱାଲ, ମଧୁ ସୁଦନ ଶର୍ମା, ମୁରାରୀ ଲାଲ ଅଗ୍ରୱାଲା, କହ୍ନେୟା ଚୌଧୁରୀ, ରାଜେଶ ସରଳିଆ, ଉର୍ମିଳା ଅଗ୍ରୱାଲା କାର୍ଯ୍ୟକ୍ରମ ରେ ସହଯୋଗ କରିଥିଲେ। ବଇଣ୍ଡା ଅଞ୍ଚଳର କିଛି ସ୍ବେଚ୍ଛାସେବୀ ଶିବିରରେ ପୂର୍ଣ୍ଣ ସହଯୋଗ କରିଥିଲେ । ଶେଷରେ ରୋଟାରିଆନ ଡାକ୍ତର ବିଛନ୍ଦ ପ୍ରଧାନ ଉପସ୍ଥିତ ଥିବା ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଥିଲେ।