ମୁଖ୍ୟ ଖବର

ଲିଙ୍ଗଭିତ୍ତିକ ହିଂସାକୁ ନା’: ସଚେତନତା କାର୍ଯ୍ୟକ୍ରମ ଉଦଘାଟିତ, ୧୬ ଦିନ ଧରି ଚାଲିବ

By Angul TV Bureau

November 26, 2025

ଅନୁଗୁଳ: ଅନୁଗୁଳ ଜିଲ୍ଲାରେ ଲିଙ୍ଗଭିତ୍ତିକ ହିଂସା ବିରୋଧରେ ୧୬ ଦିନ ଧରି ହେବାକୁ ଥ‌ିବା ସକ୍ରିୟତା ଓ ସଚେତନତା କାର୍ଯ୍ୟକ୍ରମକୁ ଅତିରିକ୍ତ ଜିଲ୍ଲାପାଳ ପ୍ରତାପ ପ୍ରୀତିମୟ ପତାକା ଦେଖାଇ ଉଦଘାଟନ କରିଛନ୍ତି। ଏହା ସହ ମଙ୍ଗଳବାର ପଦଯାତ୍ରାର ବି ଶୁଭାରମ୍ଭ କରାଯାଇଛି।

ଏହା ପରେ ଜିଲ୍ଲା ସମାଜ ମଙ୍ଗଳ ବିଭାଗର ସମ୍ମିଳନୀ କକ୍ଷ ଠାରେ ଜିଲ୍ଲା ସମାଜ ମଙ୍ଗଳ ଅଧିକାରିଣୀ ନିରୁପମା ପାଣି, ଜିଲ୍ଲା ସାମାଜିକବସୁରକ୍ଷା ଅଧିକାରୀ ନାରାୟଣ ମହାପାତ୍ର, ଜିଲ୍ଲା ଶିକ୍ଷା ଅଧିକାରୀ ନିରଞ୍ଜନ ସାହୁ, ଜିଲ୍ଲା ପ୍ରୋଗ୍ରାମ ଅଧିକାରିଣୀ, ଅଙ୍ଗନୱାଡି କର୍ମା ଏବଂ ସଖୀ ( ୱାନ ଷ୍ଟପ୍ ସେଣ୍ଟର)ର କର୍ମଚାରୀଙ୍କ ସଭା ଆୟୋଜିତ ହୋଇଥିଲା। ଲିଙ୍ଗଭିତ୍ତିକ ହିଂସା ବନ୍ଦ କରିବା ପାଇଁ ଏ ଅବସରରେ ସମସ୍ତେ ପ୍ରତିଜ୍ଞା ନେଇଥିଲେ।

ଏହି କାର୍ଯ୍ୟକ୍ରମ ନଭେମ୍ବର ୨୫ ରୁ ଆରମ୍ଭ ହୋଇ ଡିସେମ୍ବର ୧୦ ତାରିଖ ପର୍ଯ୍ୟନ୍ତ ଅନୁଗୁଳ ଜିଲ୍ଲାର ବିଭିନ୍ନ ବ୍ଳକ, ବିଦ୍ୟାଳୟ, ମହାବିଦ୍ୟାଳୟ, ଗ୍ରାମ ପଞ୍ଚାୟତରେ ଜିଲ୍ଲା ସମାଜ ମଙ୍ଗଳ ଓ ସଖୁ(ସ୍ନାନ ଷ୍ଟପ୍‌ ସେଣ୍ଟର)ର କର୍ମଚାରୀମାନଙ୍କ ଦ୍ବାରା ଅନୁଷ୍ଠିତ ହେବ ବୋଲି ସୂଚନା ମିଳିଛି।