ତାଳଚେର: ତାଳଚେର ଟାଉନ ଥାନା ପକ୍ଷରୁ ବିଭିନ୍ନ ସ୍ଥାନରେ ଚଢ଼ଉ କରାଯାଇ ୧.୬ ଗ୍ରାମ ବ୍ରାଉନସୁଗାର ଜବତ କରାଯିବା ସହ ୩ ଜଣଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଛି।
ଆଇଆଇସି ଶ୍ରୀନିବାସ ସେଠୀଙ୍କ ନେତୃତ୍ୱରେ ଏକ ଟିମ୍ ଅତର୍କିତ ଚଢ଼ଉ କରି ସ୍ଥାନୀୟ ସୌଭାଗ୍ୟ ସାଗର ପୋଖରୀ ହୁଡ଼ାରୁ ମାଫିଆଙ୍କ ସମେତ ୨ ନିଶାଡ଼ିଙ୍କୁ ଗିରଫ କରିଛି। ଭୈରବୀ ସାହିର ଜଗଦୀଶ ନନ୍ଦ (୩୫)ଙ୍କ ଠାରୁ ୨୨ହଜାର ଟଙ୍କାର ୧.୬ ବ୍ରାଉନସୁଗାର ଜବତ କରାଯାଇଛି। ସେହିପରି କାରବାରରେ ଲିପ୍ତ ଥିବା ଅମଲାପଡ଼ା ୱାର୍ଡ଼ ନମ୍ବର -୩ ସରୋଜ ମହାପାତ୍ର (୩୮) ଓ ୨ ନମ୍ବର ୱାର୍ଡ଼ ବ୍ରାହ୍ମଣଶାସନ ଅଞ୍ଚଳର ଦୁଷ୍ମନ୍ତ ଦାସ (୩୧)ଙ୍କୁ ପୋଲିସ୍ ଗିରଫ କରିଛି। ୩ ଜଣଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି।