ରାଜ୍ୟ ସ୍ତରୀୟ ରେଫରୀ ପ୍ରଶିକ୍ଷଣ ଶିବିରରେ ଅନୁଗୋଳ ଜିଲ୍ଲାରୁ ୩ ବିଚାରକ

ଅନୁଗୁଳ: ଚଳିତ ମାସ ୮ ତାରିଖ ଦିନ ରାଜ୍ୟ ସ୍ତରୀୟ ରେଫରୀ ପ୍ରଶିକ୍ଷଣ ଶିବିର ଜାତୀୟ ତାଇକଣ୍ଡୋ ଆସୋସିଏସନ୍ ଓଡିଶାର ସପାଂଦକ ରବି ନାରାୟଣ ପାଣିଗ୍ରାହୀଙ୍କ ତତ୍ବାବଧାନରେ ଭଦ୍ରକ ଜିଲ୍ଲା ଚରମ୍ପା ଠାରେ ଅନୁଷ୍ଠିତ ହେବାକୁ ଯାଉଅଛି।

ଉକ୍ତ ରେଫରୀ ପ୍ରଶିକ୍ଷଣ ଶିବିରରେ ତାଇକଣ୍ଡୋ ଫେଡରେଶନ ଅଫ୍ ଇଣ୍ଡିଆର ଯୁଗ୍ମ ସମ୍ପାଦକ ରୁପକମଳ ନନ୍ଦି ମୁଖ୍ୟ ପ୍ରଶିକ୍ଷକ ଭାବେ ଯୋଗଦେବେ। ଉକ୍ତ ବିଚାରକ ମାନେ ୨୧ ତମ ରାଜ୍ୟ ସ୍ତରୀୟ ତାଇକଣ୍ଡୋ ପ୍ରତିଯୋଗିତା ହେବାକୁ ଥିବା ଭଦ୍ରକ ଠାରେ ବିଚାରକ ଭାବେ ଯୋଗ ଦେଇ ପ୍ରତିଯୋଗିତାକୁ ସାଫଲ୍ୟ ମଣ୍ଡିତ କରିବେ।

ଏହି ପ୍ରଶିକ୍ଷଣ ଶିବିରରେ ଅନୁଗୋଳ ଜିଲ୍ଲା ତାଇକଣ୍ଡୋ ସଂଘ ପ୍ରତିଷ୍ଠାତା ଓ ସଂପାଦକ ଦୁଷ୍ୟନ୍ତ କୁମାର ନାଥଙ୍କ ତତ୍ବାବଧାନରେ ତିନି ବିଚାରକ ଉକ୍ତ ପ୍ରଶିକ୍ଷଣ ଶିବିରରେ ଅଂଶଗ୍ରହଣ କରିବେ। ବିଚାରକ ମାନେ ହେଲେ ଶ୍ରଦ୍ଧାଞୀଳି ସ୍ଵାଇଁ, ମୁକେଶ୍ କୁମାର ବେହେରା ଓ କେ ସାଇ ଆଦିତ୍ୟ।