- ଅନୁଗୁଳ: କରୋନା କାଳରେ ଦୁର୍ବୃତ୍ତଙ୍କ ଦୌରାତ୍ମ୍ୟ ବଢ଼ିବାରେ ଲାଗିଛି । କୋଲିୟରୀ ଥାନା ଇଲାକା ଘଣ୍ଟପଡ଼ା ଗ୍ରାମରୁ ଏକ କାରରୁ ଟାୟାର ଚୋରି ହୋଇଛି । ଏନେଇ କାର୍ ଚାଳକ ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ୍ ସୂଚନା ମୁତାବକ, କୁକୁଡୁୁଲା ଗ୍ରାମର ରୂପେନ୍ କୁମାର ସେଠୀ ଘଣ୍ଟପଡ଼ା ସ୍ଥିତ ଏକ ସଂସ୍ଥାରେ ତ୍ରାଇଭର ଭାବେ କାମ କରୁଥିଲେ । ସେ ଗତ ଶୁକ୍ରବାର ରାତିରେ ସଂସ୍ଥା କାର୍ଯ୍ୟାଳୟ ସାମ୍ନାରେ ବୋଲେରୋ (ଓଡ଼ି୧୯କେ୬୪୧୩) ପାର୍କିଂ କରିଥିଲେ । ମାତ୍ର ରାତି ପାହିଲା ବେଳକୁ ବୋଲେରୋର ପଛ ଚକା ଓ ଷ୍ଟେପିନ୍ ଚୋରି ହୋଇଯାଇଥିଲା। ବହୁ ଖୋଜାଖୋଜି କରି ନିରାଶ ହେବା ପରେ ସେ ଥାନାରେ ଏତଲା ଦେଇଛନ୍ତି ପୁଲିସ୍ ଏ ସଂକ୍ରାନ୍ତରେ ମାମଲା ରୁଜୁ କରି ତଦନ୍ତ ଚଳାଇଛି ।