ସାତକୋଶିଆରେ ଶେଷ ହେଲା କୁମ୍ଭୀର ଗଣନା, ଅଛନ୍ତି ବିଭିନ୍ନ ପ୍ରଜାତିର ୯୦ଟି କୁମ୍ଭୀର

ଅନୁଗୁଳ: ଅନୁଗୁଳ ଜିଲ୍ଲା ସାତକୋଶିଆ ବନ୍ୟପ୍ରାଣୀ ବନଖଣ୍ଡ ଅଧୀନ ସାତକୋଶିଆ ଗଣ୍ଡରେ ୮ତାରିଖରେ କୁମ୍ଭୀର ଗଣନା ଶେଷ ହୋଇଛି। ବୁଧବାର ଗଣନାର ତାଲିକା ପ୍ରକାଶ ପାଇଛି। ସୂଚନା ମୁତାବକ, ସାତକୋଶିଆ ଗଣ୍ଡରେ ବିଭିନ୍ନ ଲମ୍ବ ଓ ମୋଟେଇର ୮୩ଟି ମଗର ଥିବା ବେଳେ ୭ଟି ଘଡ଼ିଆଳ ଅଛନ୍ତି। ଅଭିଜ୍ଞ ତାଲିମ ପ୍ରାପ୍ତ ବନକର୍ମଚାରୀ ଓ ବିଶେଷଜ୍ଞ ଏହି ଗଣନା କରିଥିଲେ। କୁମ୍ଭୀରମାନଙ୍କ ଗତିବିଧି ଉପରେ ନଜର ରଖାଯାଇ ବୈଜ୍ଞାନିକ ପଦ୍ଧତିରେ ସାତକୋଶିଆ ଗଣ୍ଡଠାରୁ ବାଲିପୁଟ ପର୍ଯ୍ୟନ୍ତ ଏହି ଗଣନା କାର୍ଯ୍ୟ କରାଯାଇଥିବା ଜଣାଯାଇଛି।