ଅନୁଗୁଳ: କେନ୍ଦ୍ର ସରକାର ଦ୍ଵାରା ପ୍ରଣିତ ଜାତୀୟ କୃଷି ଆଇନ୍ ଓ ବିଦ୍ୟୁତ୍ ଆଇନ୍ କଳା ଆଇନ୍ କହି ଏହାକୁ ତୁରନ୍ତ ବାତିଲ କରିବାକୁ ଡାକରା ଦେଇଛି ଏଆଇକେଜେଏଏସ୍ ସଂଗଠକ । ଏଥି ନେଇ ସଂଗଠନର ଜିଲ୍ଲା କମିଟି ପକ୍ଷରୁ ସଭାପତି ପ୍ରହରାଜ ସାହୁ, ସଂପାଦକ ସୁବାସ ପ୍ରଧାନଙ୍କ ନେତୃତ୍ବରେ ଏକ ବିଶାଳ ଶୋଭାଯାତ୍ରା ନଗର ପରିକ୍ରମା କରି ଜିଲ୍ଲା କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲେ । କମିଟି ପକ୍ଷରୁ ଭିକାରୀ ପ୍ରଧାନ, ବିମଳ ନାୟକ,ମନ୍ଦୋଦରୀ ରାଉଳ, ଆଇନଜୀବୀ ପ୍ରମୋଦ ପ୍ରଧାନ ପ୍ରମୁଖ ଚାଷୀମାନଙ୍କ ଆନ୍ଦୋଳନ ପ୍ରତି କର୍ଣ୍ଣପାତ କରାଯାଉନଥିବାରୁ କେନ୍ଦ୍ର ସରକାରର ତୀବ୍ର ନିନ୍ଦା କରିଥିଲେ । ଏଥି ସହିତ ଏହି କୃଷକ ବିରୋଧ ଆଇନକୁ ତୁରନ୍ତ ବାତିଲ କରିବା ପାଇଁ ସେମାନେ ଦାବି କରିଥିଲେ ।
