ଅନୁଗୁଳ: ଅନୁଗୁଳ ବିଜୁ ପଟ୍ଟନାୟକ ସନ୍ତରଣାଗାରର ୱାଟର ରୋଟେଟର ଗତ ରାତିରେ ପୋଡ଼ି ଯିବାରୁ ଆଜି ସନ୍ତରଣ ଶିଖିଥିବା ପ୍ରଶିକ୍ଷାର୍ଥୀ ମାନେ ଅସୁବିଧାର ସମ୍ମୁଖୀନ ହୋଇଥିଲେ। ଏହି ରୋଟେଟର ପମ୍ପ ଚାଲିଲେ ପାଣି ପରିଷ୍କାର ରହିବା ସହ ନୂଆ ପାଣି ପଶି ପୁରୁଣା ପାଣିକୁ ଶୀତଳ କରାଏ। କିନ୍ତୁ ଆଜି ପମ୍ପକୁ ମରାମତି କରି କାମରେ ଲଗା ଯାଇ ପାରି ନଥିଲା। ତେଣୁ ଗରମ ପାଣିରେ ଛୋଟ ଛୋଟ ପିଲା ମାନେ ଗାଧୋଇ ଥିଲେ।
ଏ ସମ୍ପର୍କରେ ଜିଲ୍ଲା କ୍ରୀଡା ଅଧିକାରୀ ଅକ୍ଷୟ କୁମାର ସିଠଙ୍କ ସହ ଯୋଗା ଯୋଗ କରିବାରୁ ସେ କହିଲେ ପମ୍ପକୁ ଯୁଦ୍ଧ କାଳୀନ ଭିତ୍ତିରେ ମରାମତି କରାଯାଇଛି। କିନ୍ତୁ ଫିଟିଂ କରିବାପାଇଁ ମିସ୍ତ୍ରୀ ସମୟ ନ ଦେବାରୁ ବିଳମ୍ବ ହେଉଛି। ଯାହା ହେଉ ଆଜି ରାତି ସୁଦ୍ଧା ଫିଟିଙ୍ଗ କାମ ସାରିଦେବୁ ।