ଡକାୟତି ଯୋଜନା ପଣ୍ଡ: ୩ ଜଣଙ୍କୁ ମାଡ଼ି ବସିଲା ପୋଲିସ, ପିସ୍ତଲ ଜବତ

ଅନୁଗୁଳ: ସୋମବାର ବିଳମ୍ବିତ ରାତିରେ ଚୋରି ପାଇଁ ଯୋଜନା କରୁଥିବା ଡକାୟତି ଗ୍ୟାଙ୍ଗକୁ ମାଡ଼ି ବସିଛି ଅନୁଗୁଳ ପୋଲିସ। ବିଳମ୍ବିତ ରାତିରେ ଅନୁଗୁଳ ଥାନାର ଇନ୍ସପେକ୍ଟର ଗୋବିନ୍ଦ ଚନ୍ଦ୍ର ସାହୁ ଏବଂ ତାଙ୍କ ସହକର୍ମୀ ପାଟ୍ରୋଲିଂରେ ଯାଉଥିବା ବେଳେ ତୁରଙ୍ଗ ମିନି ଷ୍ଟାଡିୟମ୍ ନିକଟରେ କିଛି ଦୁର୍ବୃତ୍ତ ଏକାଠି ହୋଇ ମନ୍ତ୍ରଣା କରୁଥିବା ଖବର ପାଇଥିଲେ। ପୋଲିସ ସାହସର ସହଘଟଣାସ୍ଥଳକୁ ଯାଇ ଦୁର୍ବୃତ୍ତଙ୍କୁ ଗୋଡ଼ାଇ ଗୋଡ଼ାଇ ଧରିଥିଲେ। ଦୁଇ ଜଣ ଖସି ଯାଇଥିବା ବେଳେ ତିନି ଜଣଙ୍କୁ କାବୁ କରାଯାଇଛି। ଗିରଫ ଡକାୟତ ମାନେ ହେଲେବଖୋର୍ଦ୍ଧା ହରିପୁରପାଟଣାର ସଲିମୁଦ୍ଦିନ ଖାଁ, ଖୋର୍ଦ୍ଧା କାଳିପଦର୍ ଗାଁର ହରିପ୍ରସାଦ ଦାସ ଓ ଖୋର୍ଦ୍ଧା ନୟାପଲ୍ଲୀର ଶିବବ୍ରତ ସ୍ୱାଇଁ। ସେମାନଙ୍କ ନିକଟରୁ ବିଭିନ୍ନ ମାରଣାସ୍ତ୍ର, ଗୋଟିଏ ପିସ୍ତଲ, ୩୧ ଗ୍ରାମ ବ୍ରାଉନସୁଗାର, ଗୋଟିଏ କାର, ଦୁଇଟି ବାଇକ୍ ଜବତ କରାଯାଇଛି। ଏନେଇ ଆଜି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛି ଅନୁଗୁଳ ପୋଲିସ। ସାମ୍ବାଦିକ ସମ୍ମିଳନୀରେ ଅନୁଗୁଳ ଏସପି ରାହୁଲ ଜୈନ, ଏସଡିପିଓ ରମାକାନ୍ତ ମହାଳିକ, ଆଇଆଇସି ଧୀରେଶ ଚନ୍ଦ୍ର ଦାସ ପ୍ରମୁଖ ଉପସ୍ଥିତ ଥିଲେ।