ଅନୁଗୁଳ: ସ୍ଥାନୀୟ ବଅଁରପାଳ ବାଇପାସ ରୋଡ଼ ନୂଆହାଟ ପାଖ ନିର୍ମାଣାଧୀନ ବ୍ରିଜରୁ ଲୁହା ରଡ୍ କାଟି ନେଉଥିବା ସମୟରେ ୨ ଜଣଙ୍କୁ ଗିରଫ କରିଛି ପୋଲିସ। ଧରପଗଡ଼ ବେଳେ ଆଉ ୩ ଜଣ ଫେରାର ହୋଇଯାଇଥିବା ସୂଚନା ମିଳିଛି।
ସୂଚନା ମୁତାବକ, ସୋମବାର ବିଳମ୍ବିତ ରାତିରେ ଏହି ଲୁଟେରା ବ୍ରିଜର ଲୁହା କାଟୁଥିଲେ। ସେମାନଙ୍କ ପାଖରୁ ୨୦ ଖଣ୍ଡ ଲୁହା ରଡ୍ ସହ ଆରିପାତ ଜବତ ହୋଇଛି। ଧରା ପଡ଼ିଥିବା ୨ ଜଣ ଅଭିଯୁକ୍ତ ହେଲେ ଗଡ଼ସନ୍ତ୍ରୀର ଭାରତ ନାଏକ ଓ ବଳସିଙ୍ଗାର ଅମର ଗୋଚ୍ଛାୟତ। ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ଅନ୍ୟ ୩ ଜଣଙ୍କୁ ପୋଲିସ ଖୋଜୁଥିବା ଜଣାଯାଇଛି।