ଦୁଇ କାର ମୁହାଁ ମୁହିଁ ଧକ୍କା ଦୁଇ ମୃତ

ଅନୁଗୁଳ: ଅନୁଗୁଳ ସଦର ଥାନା ଖଣ୍ଡହତା ବୁଲାଣି ରେ ଦୁଇ କାର ମୁହାଁ ମୁହିଁ ଧକ୍କା ହେବା ଫଳରେ ଦୁଇ ଜଣଙ୍କର ମୃତ୍ୟୁ ଘଟିଛି।ଘଟଣାରୁ ପ୍ରକାଶ ଅନୁଗୁଳ ବାରର ସାଂସ୍କୃତିକ ସମ୍ପାଦକ ପ୍ରଦୀପ ପ୍ରଧାନ ନିଜ ପରିବାର ସହ ଏକ ଶୁଦ୍ଧ କାର୍ଯ୍ୟରେ ଯୋଗଦାନ ପାଇଁ ଭୁବନେଶ୍ୱର ଯାଉଥିବାବେଳେ ଅପରାହ୍ନ ୨:୩୦ ସମୟରେ ପ୍ରଦୀପଙ୍କ କ୍ରେଟା କାରଟି ଉପରୋକ୍ତ ବୁଲାଣୀରେ ବିପରୀତ ଦିଗରୁ ଆସୁଥିବା ଏକ ଏସୟୁଭି କାର ସହ ପିଟି ହୋଇଯାଇଥିଲା।ପ୍ରଦୀପଙ୍କ କାରଟି ଧକ୍କା ଖାଇ ଓଲଟି ପଡିଥିଲା ଏଥିରେ ତାଙ୍କର ବୃଦ୍ଧା ମା ଦୂର୍ଗାବତି ପ୍ରଧାନ ଓ ଭଉଣୀ ସଂଯୁକ୍ତା ପ୍ରଧାନ ଗୁରୁତର ଆହତ ହୋଇଥିଲେ। ସେମାନଙ୍କୁ ତୁରନ୍ତ ଅନୁଗୁଳ ଡାକ୍ତରଖାନା ଅଣାଯାଇଥିଲା। ସେଠାରେ ଡାକ୍ତର ସେ ଦୁହିଁଙ୍କୁ ମୃତ ଘୋଷଣା କରିଥିଲେ।ସଂଯୁକ୍ତା ପଞ୍ଚାୟତ ଅଫିସରେ ହେଡ କ୍କର୍କ ଥିବା ଜଣାପଡିଛି। ଦୂର୍ଘଟଣାରେ ପ୍ରଦୀପଙ୍କ ସ୍ତ୍ରୀ ଗୁରୁତର ଆହତ ହୋଇଥିବା ଜଣାପଡିଛି।ପ୍ରଦୀପଙ୍କ ସ୍ତ୍ରୀ ଏଡିଏମ୍ ଙ୍କ କାର୍ଯ୍ୟାଳୟରେ ଷ୍ଟେନୋ ଥିବା। ଜଣା ପଡ଼ିଛି। ଖବର ପାଇ ଅନୁଗୁଳ ବାରର କର୍ମକର୍ତ୍ତା ଡାକ୍ତରଖାନାରେ ପହଞ୍ଚି ମୃତାହତଙ୍କ କଥା ବୁଝୁଛନ୍ତି।ପୋଲିସ ମଧ୍ୟ ଘଟଣାର ତଦନ୍ତ କରୁଛି।