ଅନୁଗୁଳ: ଅନୁଗୁଳ ଜିଲ୍ଲା କଣିହାଁ ବ୍ଲକ ରେଙ୍ଗାଳି ଥାନା କୁଳୁମା ଗ୍ରାମର ଗାଈ ଚରାଳିଙ୍କ ମୃତଦେହ ଆଜି ଗ୍ରାମର ଏକ ପୋଖରୀରୁ ଅଗ୍ନିଶମ ବାହିନୀ ଉଦ୍ଧାର କରିଛନ୍ତି। ମୃତକ ହେଲେ ମଙ୍ଗୁଳୁ ବେହେରା (୬୫)। ସୂଚନା ମୁତାବକ, ମଙ୍ଗୁଳୁ ବେହେରା ଗତ କାଲିଠାରୁ ଗାଈ ଚରାଇବାକୁ ଯାଇ ନିଖୋଜ ଥିଲେ। ଏନେଇ ମଙ୍ଗୁଳୁଙ୍କ ପୁଅ ସନୁ ବେହେରା(୨୭) ଥାନାରେ ଅଭିଯୋଗ କରିଥିଲେ। ପୋଲିସ ଆଜି ଗ୍ରାମ ନିକଟ ଏକ ପୋଖରୀରେ ମୃତ ଦେହ ଭାସୁଥିବା ଦେଖିଥିଲା। ଖବର ପାଇ କଣିହାଁ ଅଗ୍ନିଶମ ବିଭାଗ ପହଞ୍ଚି ମୃତ ଦେହ ଉଦ୍ଧାର କରିବା ସହ ରେଙ୍ଗାଳି ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପାଳଲହଡ଼ା ପଠାଇଛି। ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ।