ଏଣିକି ସିଧାସଳଖ ଦାଖଲ କରିପାରିବେ ନିର୍ବାଚନଜନିତ ଅଭିଯୋଗ: ‘ଇ’-ମେଲ ଆଇଡି ଜାରି କଲା ଅନୁଗୁଳ ଜିଲ୍ଲା ସାଇବର ସହାୟତା କେନ୍ଦ୍ର

ଅନୁଗୁଳ: ସାଧାରଣ ନିର୍ବାଚନକୁ ଆଉ ମାତ୍ର ଦିନ କେଇଟା ବାକି ଥିବା ବେଳେ ଓଡିଶା ପୋଲିସ ସିଆଇଡି ପକ୍ଷରୁ ଅନୁଗୁଳ ଜିଲ୍ଲା ସାଇବର ସହାୟତା କେନ୍ଦ୍ରର ‘ଇ -ମେଲ ଆଇଡି
(cyberhelpdesk.ang@Odishapolice.gov.in) ଜାରି କରାଯାଇଛି। ଯଦି ସୋସିଆଲ ମିଡିଆରେ ନିର୍ବାଚନଜନିତ କୌଣସି ଅଭିଯୋଗ ଥାଏ, ତେବେ ଜନସାଧାରଣ, ରାଜନୈତିକ ଦଳ ଓ ରାଜନୈତିକ ଦଳର ସମର୍ଥକମାନେ ଏହି ଇ-ମେଲକୁ ସମ୍ପୂର୍ଣ୍ଣ ତଥ୍ୟ ସହିତ ଅଭିଯୋଗ ପଠାଇପାରିବେ।

ସେହିପରି ରାଜ୍ୟ ସ୍ତରରେ ମୁଖ୍ୟ ନିର୍ବାଚନ ଅଧିକାରୀ, ଓଡିଶା, ପୋଲିସ ମହାନିର୍ଦ୍ଦେଶକ କାର୍ଯ୍ୟାଳୟକୁ ଆସିଥିବା ସମସ୍ତ ସୋସିଆଲ ମିଡିଆ ଅଭିଯୋଗ ପାଇଁ ସିଆଇଡି ପକ୍ଷରୁ (cyber.helpdesk@Odishapolice.gov.in) ‘ଇ’-ମେଲ ଆଇଡି ମଧ୍ୟ ଜାରି କରାଯାଇଛି।