ଅନୁଗୁଳ: ବାତ୍ୟା ଜୱାଦ୍ ପାଇଁ ଆସନ୍ତାକାଲି ବନ୍ଦ ରହିବ ସ୍କୁଲ । ରାଜ୍ୟର ୧୯ ଜିଲ୍ଲାରେ ଶନିବାର ସମସ୍ତ ବିଦ୍ୟାଳୟ ବନ୍ଦ ରହିବ । ବାତ୍ୟା ପ୍ରଭାବରେ ରାଜ୍ୟର ବିଭିନ୍ନ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ଆଶଙ୍କା ଅଛି । ତା ସହିତ କିଛି ସ୍ଥାନରେ ପବନ ବହିପାରେ ବୋଲି ମଧ୍ୟ ଆଶଙ୍କା କରାଯାଉଛି । ତେଣୁ ଏହାକୁ ଆଖି ଆଗରେ ରଖି ଶନିବାର ୧୯ ଜିଲ୍ଲାରେ ସମସ୍ତ ସ୍କୁଲ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ସରକାର । ଆସନ୍ତାକାଲି ଗଞ୍ଜାମ, ଗଜପତି, ପୁରୀ , ନୟାଗଡ, ଜଗତସିଂହପୁର, କେନ୍ଦ୍ରାପଡା, କୋରାପୁଟ, ରାୟଗଡା, କଟକ, ଖୋର୍ଦ୍ଧା, କନ୍ଧମାଳ, କେନ୍ଦୁଝର, ଅନୁଗୁଳ, ଢେଙ୍କାନାଳ, ଭଦ୍ରକ, ବାଲେଶ୍ୱର, ଯାଜପୁର, ମାଲକାନଗିରି, ମୟୂରଭଞ୍ଜରେ ସ୍କୁଲ ବନ୍ଦ ରହିବ । ଖାଲି ସେତିକି ନୁହେଁ, ଯେଉଁ ସ୍କୁଲରେ ଆସନ୍ତାକାଲି କିଛି ପରୀକ୍ଷା ହେବାକୁ ଥିଲା। ତାହା ଜିଲ୍ଲା ପ୍ରଶାସନର ସ୍ୱତନ୍ତ୍ର ସୁପରଭିଜନରେ ହେବ । ଏଥିପାଇଁ ସ୍କୁଲର ସମସ୍ତ ଶିକ୍ଷକ ଓ ଅଣଶିକ୍ଷକ ସ୍କୁଲରେ ଉପସ୍ଥିତ ରହିବାକୁ ଚିଠିରେ ଉଲ୍ଲେଖ କରାଯାଇଛି । ତେବେ ଜିଲ୍ଲାପାଳ ଏହାକୁ ନଜର ରଖିବେ ବୋଲି କୁହାଯାଇଛି ।
