ଅନୁଗୁଳ: ଆଜି ପୂର୍ବାହ୍ନରେ ଅନୁଗୁଳ ବଜାର ନରି ବରା ଦୋକାନ ସାମନାରେ ଗୋଟେ ଅଟୋ ଲାଗିଲା। ଅଟୋ ଆରୋହୀ ଦୁଇଜଣ ଦୋକାନରୁ ବରା ଖାଉଥାନ୍ତି। ହଠାତ୍ ସେମାନଙ୍କର ନଜର ପଡ଼ିଲା ଅଟୋରେ ଥିବା ବସ୍ତାରୁ ଏକ ବିରାଟ ନାଗ ସାପ ବାହାରି ବଜାର ଭିତରେ ଥିବା ଗଳିରେ ପଶିଗଲା।
ଅଟୋ ଆରୋହୀ ଦୁଇଜଣ ଚିତ୍କାର କରି ଉଠିଲେ। ସାପଟିକୁ ଧରିବାକୁ ବହୁ ଉଦ୍ୟମ କଲେ କିନ୍ତୁ ସଫଳ ହେଲେ ନାହିଁ। ଶେଷରେ ସେ ଦୁହେଁ ଅଟୋ ଧରି ସେ ସ୍ଥାନରୁ ଚମ୍ପଟ ମାରିଲେ। ଯାହା ଜଣାପଡୁଛି ସାପ ଧରାଳିଟି କୌଣସି ସ୍ଥାନରୁ ସାପ ଧରି ଅନୁଗୁଳ ଜଙ୍ଗଲ ବିଭାଗକୁ ଦେବା ପାଇଁ ଆସୁଥିଲେ। ଯାହା ହେଉ ସାପ ଖସି ଯିବା ପରେ ବଜାରର ଦୋକାନୀ ମାନେ ଆତଙ୍କରେ ଅଛନ୍ତି ।
