“ସକାଳ” ଜିଲ୍ଲାସ୍ତରୀୟ ବତ୍କୃତା ପ୍ରତିଯୋଗିତା: ବରିଷ୍ଠରେ ସ୍ମୃତିସ୍ମିତା ଏବଂ କନିଷ୍ଠରେ ସୌରୀ ପ୍ରସାଦ ବିଜୟୀ

You are currently viewing “ସକାଳ” ଜିଲ୍ଲାସ୍ତରୀୟ ବତ୍କୃତା ପ୍ରତିଯୋଗିତା: ବରିଷ୍ଠରେ ସ୍ମୃତିସ୍ମିତା ଏବଂ କନିଷ୍ଠରେ ସୌରୀ ପ୍ରସାଦ ବିଜୟୀ

ଅନୁଗୁଳ: ଦୈନିକ ଖବର କାଗଜ “ସକାଳ”ର ପଞ୍ଚମ ସ୍ଵନକ୍ଷତ୍ର ଦିବସ ଉପଲକ୍ଷେ ସକାଳ ଏବଂ ନନ୍ଦିଘୋଷ ଟିଭି ପକ୍ଷରୁ ଜିଲ୍ଲାସ୍ତରୀୟ ବତ୍କୃତା ପ୍ରତିଯୋଗିତା ଅନୁଗୁଳ ରୋଟାରୀ ପବ୍ଲିକ ସ୍କୁଲ ପରିସରରେ ଅନୁଷ୍ଠିତ ହୋଇଛି। ଏହି ପରିପ୍ରେକ୍ଷୀରେ ବରିଷ୍ଠ ଏବଂ କନିଷ୍ଠ ଦୁଇଟି ବିଭାଗରେ ଶତାଧିକ ଛାତ୍ରଛାତ୍ରୀ ଯୋଗଦେଇ ଦିଆଯାଇଥିବା ବିଷୟବସ୍ତୁ ଉପରେ ବିତର୍କ କରିଥିଲେ। କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା।

ମୁଖ୍ୟ ଅତିଥି ଭାବେ ରୋଟାରୀ ପବ୍ଲିକ ସ୍କୁଲର ଅଧ୍ୟକ୍ଷ ଅଶୋକ କୁମାର ବେହେରା, ଅନ୍ୟତମ ଅତିଥି ତଥା ବିଚାରକ ଭାବେ ମାଧ୍ୟମିକ ଶିକ୍ଷା ପରିଷଦ ଓଡିଶା ଅବସରପ୍ରାପ୍ତ ଅଧ୍ୟକ୍ଷ ଧରଣୀଧର ନାଥ, ଅବସରପ୍ରାପ୍ତ ପ୍ରଧାନ ଶିକ୍ଷକ ସରୋଜ ପାଣିଗ୍ରାହୀ, ବିନାୟକ ମହାବିଦ୍ୟାଳୟ ଓଡ଼ିଆ ବିଭାଗ ମୁଖ୍ୟ ଅଧ୍ୟାପିକା ସବିତା ମହାନ୍ତି, ରୋଟାରୀ ପବ୍ଲିକ ସ୍କୁଲ ପ୍ରଧାନ ଶିକ୍ଷୟିତ୍ରୀ କଳ୍ପଲତା ଦାସ ପ୍ରମୁଖ ଯୋଗଦେଇ ପ୍ରତିଯୋଗୀ ଛାତ୍ରଛାତ୍ରୀଙ୍କ ମୂଲ୍ୟାଙ୍କନ କରିଥିଲେ। ବରିଷ୍ଠ ବିଭାଗରେ ଅନୁଗୁଳ ସ୍ଵୟଂ ଶାସିତ ମହାବିଦ୍ୟାଳୟର ଛାତ୍ରୀ ସ୍ମୃତିସ୍ମିତା ରାଉତ ପ୍ରଥମ, ଛାତ୍ର ସନ୍ଦୀପ ଖିଲାର ଦ୍ଵିତୀୟ ଏବଂ ରୋଟାରୀ ପବ୍ଲିକ ସ୍କୁଲର ଛାତ୍ରୀ ସୌମ୍ୟା ସମାପେକ୍ଷା ନାୟକ ତୃତୀୟ ସ୍ଥାନ ଅଳଙ୍କୃତ କରିଥିଲେ।

ସେହିପରି କନିଷ୍ଠ ବିଭାଗରେ ପିଏମଶ୍ରୀ ଉଚ୍ଚ ବିଦ୍ୟାଳୟର ଛାତ୍ର ପାଟଯୋଶୀ ସୌରୀ ପ୍ରସାଦ ମିଶ୍ର ପ୍ରଥମ, ରୋଟାରୀ ପବ୍ଲିକ ସ୍କୁଲର ଛାତ୍ରୀ ସୁରଭୀ ସାହୁ ଦ୍ଵିତୀୟ ଏବଂ ସରକାରୀ ଉଚ୍ଚ ବିଦ୍ୟାଳୟର ଛାତ୍ରୀ ଇପ୍ସିତା ମିଶ୍ର ତୃତୀୟ ସ୍ଥାନ ଅଳଙ୍କୃତ କରିଥିଲେ। ବରିଷ୍ଠ ସାମ୍ବାଦିକ ତଥା ସକାଳ ଅନୁଗୋଳ ଢେଙ୍କାନାଳ ସଂସ୍କରଣ ମୁଖ୍ୟ ସଂଗ୍ରାମ ରଞ୍ଜନ ଦାସଙ୍କ ଅଧ୍ୟକ୍ଷତାରେ ସମସ୍ତ କାର୍ଯ୍ୟ ସମ୍ପାଦନ ହୋଇଥିବା ବେଳେ ସାମ୍ବାଦିକ ଶୁଭ୍ର ରଞ୍ଜନ ଦାସ , ଦୁର୍ଗା ପ୍ରସାଦ ସ୍ୱାଇଁ , ରାଜେନ୍ଦ୍ର ପ୍ରଧାନ ଏବଂ ରାକେଶ ସାମଲ ପ୍ରମୁଖ ବିଶେଷ ସହଯୋଗ କରିଥିଲେ। ଶେଷରେ ସଂଗ୍ରାମ ରଞ୍ଜନ ଦାସ ଧନ୍ୟବାଦ ଅର୍ପଣ କରିଥିଲେ।

Share

Leave a Reply