ଅନୁଗୁଳ : ଅନୁଗୁଳ ଜିଲ୍ଲା ବଧିର ସଂଘର ସାଧାରଣ ସଭା ଓ ଆଗାମୀ ୪ ବର୍ଷ ପାଇଁ କାର୍ଯ୍ୟକାରୀ କମିଟିର କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଛି। ଏଥିରେ ସଂଘର ସଭାପତି ଭାବେ ପର୍ଶୁରାମ ଦାଶ, ସମ୍ପାଦକ ଭାବେ ବିଶ୍ୱଜିତ୍ ହୋତା ନିର୍ବାଚିତ ହୋଇଛନ୍ତି। ସେହିପରି ସଂଘର ମୁଖ୍ୟ ପୃଷ୍ଠପୋଷକ ଭାବରେ ଅନୁଗୁଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ ଓ ପୃଷ୍ଠପୋଷକ ଭାବେ ଅନୁଗୁଳ ପୌରାଧ୍ୟକ୍ଷ ଅକ୍ଷୟ କୁମାର ସାମନ୍ତଙ୍କୁ ମନୋନୀତ କରାଯାଇଛି। ସେହିପରି ଉପଦେଷ୍ଟା ଭାବେ ବରିଷ୍ଠ ଆଇନଜୀବୀ ପ୍ରମୋଦ କୁମାର ପ୍ରଧାନ ଓ ସାନ୍ଧ୍ୟ ମହାବିଦ୍ୟାଳୟର ଅଧ୍ୟକ୍ଷ ପ୍ରଶାନ୍ତ କୁମାର ମାଝୀ ମନୋନୀତ ହୋଇଥିବା ବେଳେ ମନୋରଞ୍ଜନ ସାମଲ, ସନ୍ତୋଷ ବେହେରା ଓ ରାମଚନ୍ଦ୍ର ରଥ ମନୋନୀତ ଉପସଭାପତି ଓ ମନୋଜ କୁମାର ସାହୁ ସହ ସମ୍ପାଦକ, ସୁନିଲ୍ କୁମାର ମହାନ୍ତି କୋଷାଧ୍ୟକ୍ଷ, ଅନ୍ତର୍ଯ୍ଯାମୀ ଦଳେଇ କ୍ରୀଡା ସମ୍ପାଦକ, ଇତିଶ୍ରୀ ଗଡ଼ନାୟକ ମହିଳା ସହ ସମ୍ପାଦିକା ଓ ସୋନାଲି ସାମଲ ଅନୁବାଦିକା ଭାବେ ମନୋନୀତ ହୋଇଛନ୍ତି। ବଧିରମାନଙ୍କର ବିକାଶ ଓ ସ୍ୱାବଲମ୍ବନ କ୍ଷେତ୍ରରେ ରାଜ୍ୟର ନୂତନ ସରକାର ପଦକ୍ଷେପ ଗ୍ରହଣ କରିବା ଉଚିତ୍ ବୋଲି ସଂଘ ଦାବି ଉପସ୍ଥାପନ କରିଛି। ସେହିପରି ବଧିର ସଂଘର ଏକ କାର୍ଯ୍ୟାଳୟ ନିର୍ମାଣ ନିମନ୍ତେ ଜିଲ୍ଲା ପ୍ରଶାସନ ଜମି ଯୋଗାଇଦେବାକୁ ସଂଘ ଅନୁରୋଧ କରିଛି।