ନାଲକୋ: ଅନୁଗୁଳ ଜିଲ୍ଲା ନାଲକୋର ଶ୍ୱେତ ଅତିଥି ନିବାସରେ ଢେଙ୍କାନାଳ ସାଂସଦ, ନାଲକୋର ନିର୍ବାହୀ ନିର୍ଦ୍ଦେଶକ ଭୀମସେନ ପ୍ରଧାନ, ଗ୍ରୁପ ଜେନେରାଲ ମ୍ୟାନେଜର ମଣି ପ୍ରସାଦ ସାମଲ, ନାଲକୋ ସ୍ପନ୍ସୋର୍ଡ ଏଲ .ଏ .ପି- ଆଇ.ଟି.ଆଇ କ୍ଷତିଗ୍ରସ୍ତ ପ୍ରଜାସଂଘର ସମ୍ପାଦକ ଓ ଗଦାଧର ସାହୁଙ୍କୁ ନେଇ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି। ବୈଠକରେ ନାଲକୋ ସ୍ପନ୍ସୋର୍ଡ ଏଲ .ଏ .ପି- ଆଇ.ଟି.ଆଇ କ୍ଷତିଗ୍ରସ୍ତ ସଭ୍ୟସଭ୍ୟା କିପରି ନାଲକୋରେ ସ୍ଥାୟୀ ନିଯୁକ୍ତି ପାଇବେ ସେ ନେଇ ଆଲୋଚନା ହୋଇଥିଲା। ଏଥିସହ ନାଲକୋରେ ଜମି ହରାଇ ଥିବା ପ୍ରଜାମାନଙ୍କୁ ନାଲକୋ କାରଖାନାରେ କିପରି ଠିକା ଶ୍ରମିକ ଭାବେ ନିଯୁକ୍ତି ମିଳିବ ଓ ପାରିପାର୍ଶ୍ୱକ ଗ୍ରାମ ଗୁଡିକରେ ନାଲକୋ ତରଫରୁ ଉନ୍ନୟନ ମୂଳକ କାର୍ଯ୍ୟ ବିଷୟରେ ତଦାରଖ କରିବା ସହିତ ଯଥା ଶୀଘ୍ର କାର୍ଯ୍ୟ କରିବାକୁ ଦୁଇ ଅଧିକାରୀଙ୍କୁ କଡା ନିର୍ଦ୍ଦେଶ ଦେଇଥିଲେ।

ଆଗାମୀ ତିନି ଦିନ ମଧ୍ୟରେ ନାଲକୋ ସ୍ପନ୍ସୋର୍ଡ ଏଲ .ଏ .ପି- ଆଇ.ଟି.ଆଇ କ୍ଷତିଗ୍ରସ୍ତ ପ୍ରଜା ସଂଘକୁ ନେଇ ଗ୍ରୁପ ଜେନେରାଲ ମ୍ୟାନେଜରଙ୍କ କାର୍ଯ୍ୟାଳୟରେ ଏକ ଜରୁରୀ ବୈଠକ ହେବ ବୋଲି ଗ୍ରୁପ ଜେନେରାଲ ମ୍ୟାନେଜର( ଜିଜିଏମ ) ପ୍ରତିଶ୍ରୁତି ଦେଇଥିବା ଜଣାଯାଇଛି।