ଅନୁଗୁଳ: ହୋଣ୍ଡା ମୋଟର ସାଇକେଲ ଆଣ୍ଡ୍ ସ୍କୁଟର୍ ଇଣ୍ଡିଆର ଅଧ୍ୟକୃତ ବିକ୍ରେତା ବିଗ୍‌ୱିଙ୍ଗ ଅନୁଗୁଳ ଠାରେ ହୋଣ୍ଡାର ବହୁ ପ୍ରତୀକ୍ଷିତ ମୋଟରସାଇକେଲ ‘ହୋଣ୍ଡା ସିବି୩୦୦ଆର୍’ର ବଜାର ପ୍ରବେଶ ହୋଇଯାଇଛି । ଏହି ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ହୋଣ୍ଡା କମ୍ପାନୀର ଜୋନାଲ ମ୍ୟାନେଜର (ସେଲ୍) ଅଜିତ୍ ପଣ୍ଡା, ଜୋନାଲ ମ୍ୟାନେଜର (କଷ୍ଟମର ସର୍ଭିସ୍) ଶିବପ୍ରତାପ ସିଂହ ଅତିଥି ଭାବେ ଯୋଗ ଦେଇ ହୋଣ୍ଡା ସିବି ୩୦୦ଆର୍ ମଡେଲ ବାଇକ୍ ର ବୈଶିଷ୍ଟ୍ୟ ଉପରେ ଆଲୋକପାତ କରିଥିଲେ। ପାୱାରଫୁଲ୍ ଇଞ୍ଜିନ୍ ସହିତ ଆକର୍ଷଣୀୟ ଷ୍ଟାଇଲ, ଉନ୍ନତ ମାଇଲେଜ୍ ସହିତ ଅତ୍ୟାଧୁନିକ ଜ୍ଞାନ କୌଶଳରେ ଏହି ବାଇକ୍ ନିର୍ମିତ । ନାଲି ଏବଂ କଳା- ୨ଟି ରଙ୍ଗରେ ଉପଲବ୍ଧ ଏହି ବାଇକ୍‌ର ଏକ୍ସ-ସୋରୁମ୍ ମୂଲ୍ୟ ୨ ଲକ୍ଷ ୭୭ ହଜାର ୮୦୭ ଟଙ୍କା ରହିଛି । ଏଥିପାଇଁ ସ୍ବତନ୍ତ୍ର ଏକ୍ସଚେଞ୍ଜ ଏବଂ ଫାଇନାନ୍ସର ସୁବିଧା ରହିଛି। ଗ୍ରାହକଙ୍କୁ ଉତ୍ତମ ସେବା ଯୋଗାଇଦେବା ଆମର ପ୍ରଥମ ଲକ୍ଷ୍ୟ ବୋଲି ସୋ’ରୁମ୍‌ର ସ୍ଵତ୍ତ୍ଵାଧିକାରୀ ସୁଜିତ୍ କୁମାର ଅଗ୍ରୱାଲ ପ୍ରକାଶ କରିଛନ୍ତି । ଏହି କାର୍ଯ୍ୟକ୍ରମରେ ସହରର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।