ନୂତନ ଲାୟନସ କ୍ଲବ ଅନୁଗୁଳ ରୟାଲର ଶୁଭଉଦଘାଟନ: ୫ହଜାର ଗରିବ ଲୋକଙ୍କୁ ମାଗଣା ସ୍ୱାସ୍ଥ୍ୟସେବା ଯୋଗାଇବାକୁ ଘୋଷଣା

ଅନୁଗୁଳ: ନୂତନ ଭାବେ ଗଠନ ଲାୟନସ କ୍ଲବ ଅନୁଗୁଳ ରୟାଲର ଶୁଭ ଉଦଘାଟନ ଓ ନୂତନ କର୍ମକର୍ତାଙ୍କ ଶପଥ ଗ୍ରହଣ ଉତ୍ସବ ସ୍ଥାନୀୟ ହୋଟେଲ ପ୍ରଶାନ୍ତି ପରିସରରେ ମହା ସମାରୋହରେ ଅନୁଷ୍ଠିତ ହୋଇଯାଇଛି।

ଏହି ଉପଲକ୍ଷେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ଲାୟନ୍ସ ଜିଲ୍ଲା ୩୨୨ସି ୫ର ଗଭର୍ଣ୍ଣର ଲାୟନ ପ୍ରଲୁବ୍ଧ ଜେନା ଯୋଗ ଦେଇ ନୂତନ କ୍ଲବକୁ ଉଦଘାଟନ କରିବାସହ ନୂତନ କର୍ମକର୍ତା,ସଦସ୍ୟ ସଦସ୍ୟାଙ୍କୁ ଚାଟର ପିନ ଏବଂ ଆନ୍ତର୍ଜାତିକ ଲାୟନ୍ସ ସଂଗଠନ ପକ୍ଷରୁ ପ୍ରଦତ୍ତ ଘୋଷଣା ପତ୍ର ପ୍ରଦାନ କରିଥିଲେ।

ଉତ୍ସବରେ ବିଶିଷ୍ଠ ଅତିଥି ଭାବେ ପୂର୍ବତନ ଜିଲ୍ଲା ଗଭର୍ଣ୍ଣର ପ୍ରଭାତ ମହାନ୍ତି ଯୋଗଦେଇ ଲୟନ୍ସ କ୍ଲବ ଅନୁଗୁଳ ରୋୟାଲର ନୂତନ କର୍ମକର୍ତା ଓ ସଦସ୍ୟ ସଦସ୍ୟା ମାନଙ୍କୁ ଶପଥ ପାଠ କରାଇଥିଲେ। ସନମାନିତ ଅତିଥି ଭାବେ ପୂର୍ବତନ ଗଭର୍ଣ୍ଣର ତଥା ସରକାରୀ ଓକିଲ ପରମାନନ୍ଦ ମିଶ୍ର ଏବଂ ଅବସର ପ୍ରାପ୍ତ ବରିଷ୍ଠ ପ୍ରଶାସକ ହେମନ୍ତ ଦାସ ଓଜିଇଟି କୋଅଡିନେଟର ତଥା ବରିଷ୍ଠ ସାମ୍ବାଦିକ ସଂଗ୍ରାମ ଦାସ ଯୋଗଦେଇ ଆନ୍ତର୍ଜାତିକ ଲାୟନ୍ସ ସଂଗଠନ ସମ୍ପର୍କରେ ବିଷଦ ଭାବେ ବକ୍ତବ୍ୟରେ ପ୍ରକାଶ କରିଥିଲେ।

କ୍ଲବର ନୂତନ ସଭାପତି ଭାବେ କଳାବତୀ ଅଗ୍ରୱାଲ, ଉପସଭାପତି (୧)ଭାବେ ତପନ ତ୍ରିପାଠୀ (ଫୁଲୁ )ଉପସଭାପତି (୨)ଭାବେ ସୁବୋଧ ମହାପାତ୍ର, ସମ୍ପାଦକ ଭାବେ ବିରଜା ପ୍ରସନ୍ନ ପଟନାୟକ, ଏବଂ କୋଷାଧକ୍ଷ ଭାବେ ମୂଷକାନା ଅଗ୍ରୱାଲ ପ୍ରମୁଖ ଶପଥ ନେଇଥିଲେ। ସଭା ପ୍ରାରମ୍ଭରେ ଲାୟନ୍ସ କ୍ଲବ ଅନୁଗୁଳର ସଭାପତି ତୈଲଖ ଦେହୁରୀ ସ୍ୱାଗତ ଭାଷଣ ଦେଇଥିବା ବେଳେ ଲାୟନ୍ସ କ୍ଲବ ଅନୁଗୁଳ ରୋୟାଲର କୋଷାଧକ୍ଷ ମୂଷକାନ ଗୁପ୍ତା ଅତିଥି ପରିଚୟ ପ୍ରଦାନ କରିବା ସହ ଧନ୍ୟବାଦଅର୍ପଣ କରିଥିଲେ। ଆଗାମୀ ଦିନରେ ଲାୟନ୍ସ କ୍ଲବ ଅନୁଗୁଳ ରୋୟାଲ ତରଫରୁ ୫ହଜାର ଲୋକଙ୍କୁ ମାଗଣା ସ୍ୱାସ୍ଥ୍ୟ ସେବା ଯୋଗାଇଦିଆଯିବ ବୋଲି କ୍ଲବ ପକ୍ଷରୁ ଘୋଷଣା କରାଯାଇଥିଲା। ଏହି କାର୍ଯ୍ୟକ୍ରମରେ ନୃତ୍ୟ ଗୁରୁ ଅନିତା ରାଜଗୁରୁ ଙ୍କ ଛାତ୍ରୀ ମାନେ ନୃତ୍ୟ ପରିବେଷଣ କରିଥିଲେ। ଶପଥ ଗ୍ରହଣ କାର୍ଯ୍ୟକ୍ରମକୁ ଅଧ୍ୟାପିକା ଅରୁଣା ମିଶ୍ର ଓ ରାଜେଶ ଗୋୟେଲ ପ୍ରମୁଖ ପରିଚାଳନା କରିଥିଲେ।

ଅନ୍ୟମାନଙ୍କ ମଧ୍ୟରେ କ୍ଲବର ନୂତନ ସଦସ୍ୟ ଭାବେ ଦୀପକ ଅଗ୍ରୱାଲ, କ୍ରିଷ୍ଣା ଅଗ୍ରୱାଲ, ଗୌରବ ଅଗ୍ରୱାଲ, ଶ୍ରୀଧର ଅଗ୍ରୱାଲ, ଆଦିତ୍ୟ ଫୋଗଲା, ଜିତେନ୍ଦ୍ର ମୋଦୀ, ପ୍ରିତମ ତିୱାରୀ, ଆଶୁତୋଷ ମୀରାନିୟା, ଭାରତୀ ମୀରାନିୟା, ପ୍ରତୀକ ଅଗ୍ରୱାଲ, ଦୀପକ ଅଗ୍ରୱାଲ,ଜ୍ୟୋତି ଅଗ୍ରୱାଲ, ସୋନାଲ ଅଗ୍ରୱାଲ, ଦୀପକ ସିଂ, ସୁଧୀର ନାଏକ, ସୁରଜ ପ୍ରସାଦ ଦାସ ଏବଂ ବିଜୟ ମହାପାତ୍ର ପ୍ରମୁଖ ସଦସ୍ୟ ସଦସ୍ୟା ମାନେ ଶପଥ ଗ୍ରହଣ କରିଥିଲେ।