ଅନୁଗୁଳରେ ଓଡ଼ିଶା ଏକଲ ଅଭିଯାନ: ଡିସେମ୍ବର ୪ରେ ମେଗା କାର୍ଯ୍ୟକ୍ରମ

You are currently viewing ଅନୁଗୁଳରେ ଓଡ଼ିଶା ଏକଲ ଅଭିଯାନ: ଡିସେମ୍ବର ୪ରେ ମେଗା କାର୍ଯ୍ୟକ୍ରମ

ଅନୁଗୁଳ: ଏକଲ ଅଭିଯାନ ଓଡ଼ିଶା ଆନୁକୂଲ୍ୟରେ ଆଗାମୀ ଡିସେମ୍ବର ୪ ତାରିଖ ଗୁରୁବାର ଦିନ ଏକ ବିଶାଳ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରିବାକୁ ଯାଉଛି। ଏହି ପରିପ୍ରେକ୍ଷୀରେ ଆଜି ଅନୁଗୁଳଠାରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି।

ସମ୍ମିଳନୀରେ ଏକଲ ଅଭିଯାନର ସଭାପତି ବିଜୟ କୁମାର ମୋଦୀ, ଶିକ୍ଷା ପ୍ରଭାରୀ ସିଦ୍ଧାନାଥ ସାହୁ, ସମ୍ପାଦକ ଭୋଗଦେବ ପ୍ରଧାନ ଏବଂ ଗଣମାଧ୍ୟମ ସଂଯୋଜକ ଚନ୍ଦ୍ରକାନ୍ତ ଧଳ ମଞ୍ଚାସୀନ ହୋଇଥିଲେ। ସମ୍ମିଳନୀରେ ଏକଲ ଅଭିଯାନର ସଂଗଠନ ସ୍ୱରୂପ, ଲକ୍ଷ୍ୟ ଏବଂ ଉଦ୍ଦେଶ୍ୟ ସମ୍ପର୍କରେ ବିସ୍ତୃତ ଆଲୋକପାତ କରାଯାଇଥିଲା। ବିଜୟ କୁମାର ମୋଦୀ ଅନୁଗୋଳ ଜିଲ୍ଲା ସଭାଘରରେ ଏକଲ ସୁରତାଳ କାର୍ଯ୍ୟକ୍ରମକୁ ସୂଚାରୁ ରୁପେ ଆୟୋଜନ କରିବା ପାଇଁ ସୂଚନା ପ୍ରଦାନ କରିଥିଲେ।

ଏହି ମେଗା କାର୍ଯ୍ୟକ୍ରମରେ “ଭାରତ କେ ରଙ୍ଗ ଏକଲ କେ ସଙ୍ଗ” ନାମକ ସାଂସ୍କୃତିକ ପ୍ରଦର୍ଶନୀ ହେବ, ଯାହା ଭାରତୀୟ ସଂସ୍କୃତି ଏବଂ ଦେଶଭକ୍ତି ଉପରେ ଆଧାରିତ ହୋଇଛି। ଏଥିପାଇଁ ଭାରତର ବିଭିନ୍ନ ପ୍ରାନ୍ତରୁ ସୁରତାଳ ଟିମ୍ କାର୍ଯ୍ୟକର୍ତ୍ତାମାନେ ପ୍ରସ୍ତୁତି କରୁଛନ୍ତି। ଅନୁଗୋଳ ନଗରର ସମସ୍ତ ଲୋକଙ୍କୁ ଏହି କାର୍ଯ୍ୟକ୍ରମରେ ଯୋଗ ଦେବା ପାଇଁ ଆଗ୍ରହ ପ୍ରକାଶ କରାଯାଇଛି। ଶେଷରେ ଯୁବା ପ୍ରଭାରୀ ବିପିନ ବିହାରୀ ସାହୁ ଧନ୍ୟବାଦ ଅର୍ପଣ କରିଥିଲେ। ଏହି ସମ୍ମିଳନୀରେ ଏକଲ ଅଭିଯାନର ଖଗେଶ୍ୱର ଭୂତିଆ, ଲଡୁକେଶ୍ୱର ଅଗ୍ରୱାଲ, ସୁରେଶ ସାହା, ସୁକେଶ କୁମାର ବେହେରା ପ୍ରମୁଖ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।

Share

Leave a Reply