ଅନୁଗୁଳ: କୁମ୍ଭମେଳା ଫେରନ୍ତାଙ୍କୁ ନେଇ ଏବେ ସାରା ରାଜ୍ୟରେ ଚିନ୍ତା। କୁମ୍ଭମେଳାରୁ ଫେରୁଥିବା ଅଧିକାଂଶ ଶ୍ରଦ୍ଧାଳୁ ପଜିଟିଭ୍ ଚିହ୍ନଟ ହେଉଛନ୍ତି। ସେମାନଙ୍କ ଠାରୁ ସଂକ୍ରମଣ ଆଶଙ୍କା ଥିବାରୁ ସରକାର ସେମାନଙ୍କ ପାଇଁ ୧୪ ଘଣ୍ଟିଆ ସଙ୍ଗରୋଧ ବାଧ୍ୟତାମୂଳକ କରିଛନ୍ତି । ଏପଟେ ହରିଦ୍ୱାରର ସର୍ବବୃହତ ଧାର୍ମିକ ପର୍ବ କୁମ୍ଭ ମେଳାରୁ ଅନୁଗୁଳ ଜଣେ ଶ୍ରଦ୍ଧାଳୁ ଫେରିଥିବା ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ପ୍ରକାଶ କରିଛନ୍ତି । ଏହି ଶ୍ରଦ୍ଧାଳୁ ଜଣଙ୍କ କଣିହାଁ ଅଞ୍ଚଳର। ସେ କୁମ୍ଭମେଳାରୁ ଫେରିବା ପରେ ତାଙ୍କୁ ସଙ୍ଗରୋଧରେ ରଖାଯାଇଛି । ସୂଚନା ମୁତାବକ, କୁମ୍ଭମେଳାରେ ଯୋଗ ଦେବା ପାଇଁ ଅନୁଗୁଳ ଜିଲ୍ଲାର ୪ଟି ପରିବାର ବୁକ୍ କରିଥିଲେ । ଏଥିରୁ ଗୋଟିଏ ଭୁଲରେ ବୁକ୍ ହୋଇଥିବା ବେଳେ ଅନ୍ୟ ଏକ ପରିବାର କୁମ୍ଭମେଳାକୁ ଯାଇଥିଲେ। ଅନ୍ୟ ୨ ପରିବାର ମଧ୍ୟରୁ କଣିହାଁର ଏହି ବ୍ୟକ୍ତି ଫେରିବା ପରେ ତାଙ୍କୁ ହୋମ୍ ଆଇସୋଲେସନ୍ରେ ରଖାଯାଇଛି। ଅନ୍ୟ ଏକ ପରିବାର ଫେରିବା ଉପରେ ପ୍ରଶାସନ ନଜର ରଖିଛି। ସେମାନେ ଫେରିବା ପରେ ସଙ୍ଗରୋଧରେ ରଖାଯିବ ବୋଲି ଜିଲ୍ଲାପାଳ ଶ୍ରୀ ସ୍ବାଇଁ ପ୍ରକାଶ କରିଛନ୍ତି।
