ଅନୁଗୁଳ: ଅନୁଗୁଳ ଟାଉନ୍ ଥାନା ପୋଲିସ ସୋମବାର ୬ ଗ୍ରାମ୍ ବ୍ରାଉନ୍ସୁଗର ଜବତ କରିବା ସହ ଏଥିରେ ସମ୍ପୃକ୍ତ ୪ ଜଣଙ୍କୁ ଗିରଫ କରିଛି । ସୂଚନା ଯେ, ଏକ ବିଶ୍ବସ୍ତ ସୂତ୍ରରୁ ଖବରପାଇ ଅନୁଗୁଳ ଟାଉନ୍ ଥାନା ପୋଲିସର ଏକ ଦଳ ସ୍ଥାନୀୟ ରାଜକିଶୋରପଡ଼ାରେ ଚଢ଼ଉ କରିଥିଲା। ଚଢ଼ଉବେଳେ ପୋଲିସ ପଡ଼ାର ଫିରୋଜ ବେଗ୍(୨୮), ସରିଫ ବେଗ୍(୩୨) ଓ ସତ୍ୟରଞ୍ଜନ ସାହୁ(୨୩)ଙ୍କୁ କାବୁ କରି ସେମାନଙ୍କଠାରୁ ୬ ଗ୍ରାମ୍ ବ୍ରାଉନ୍ସୁଗର ଜବତ କରିଥିଲା । ଏଥସହ ଏକ ବାଇକ୍ ଓ ଗୋଟିଏ ମୋବାଇଲ ଜବତ କରିଥିଲା । ଅଭିଯୁକ୍ତମାନଙ୍କ ସୂଚନାକୁ ଆଧାରକରି ପୋଲିସ ସଦର ଥାନା ଅନ୍ତର୍ଗତ କୁମଣ୍ଡ ଗାଁରେ ଚଢ଼ଉ କରି ବ୍ରାଉନ୍ସୁଗର ଯୋଗାଉଥିବା ଦିବ୍ୟରଞ୍ଜନ ପ୍ରଧାନ(୨୪)ଙ୍କୁ ଗିରଫ କରିଛି । ତାଙ୍କଠାରୁ ଏକ ମୋବାଇଲ ଜବତ କରିଛି।
