ତାଳଚେର: ଦୁଇ ଦିନିଆ ଗସ୍ତରେ ଆସି ଆଜି ତାଳଚେରରେ ପହଞ୍ଚିଛନ୍ତି ରାଷ୍ଟ୍ର ସାର, ରସାୟନ ଏବଂ ନବୀକରଣ ଯୋଗ୍ୟ ଶକ୍ତି ବିଭାଗ ମନ୍ତ୍ରୀ ଭଗୱନ୍ତ ଖୁବା। ମନ୍ତ୍ରୀ ବିକ୍ରମପୁର ଅତିଥି ଭବନ ଠାରେ ପହଞ୍ଚିବା ପରେ ଟିଏଫ୍ଏଲ ଅଧିକାରୀମାନେ ତାଙ୍କୁ ସ୍ୱାଗତ କରିଥିଲେ। ଏ ଅବସରରେ ମନ୍ତ୍ରୀ ପ୍ଲାଣ୍ଟ ପରିସରରେ ବୃକ୍ଷରୋପଣ କରିବା ସହ ମଧୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ତା’ ପରେ ସେ ପ୍ଲାଣ୍ଟର ମଡେଲ ପରିଦର୍ଶନ କରିଥିଲେ।
ପରେ ପ୍ଲାଣ୍ଟ ପରିସରରେ ଏକ ଉଚ୍ଚସ୍ତରୀୟ ସମୀକ୍ଷା ବୈଠକରେ ଯୋଗ ଦେଇ ମନ୍ତ୍ରୀ ପ୍ରକଳ୍ପର ଅଗ୍ରଗତି ଓ ସମସ୍ୟା ସମ୍ପର୍କରେ ଆଲୋଚନା କରିଥିଲେ। ଏଥିସହ ପ୍ରକଳ୍ପର ନିର୍ମାଣ କାର୍ଯ୍ୟ ନିର୍ଦ୍ଦିଷ୍ଟ ସମୟ ସୀମା ମଧ୍ୟରେ ଶେଷ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ମନ୍ତ୍ରୀ।
