ଅନୁଗୁଳ: ଅନୁଗୁଳ ଜିଲ୍ଲା ନିଶା ଶିଳ୍ପାଞ୍ଚଳ ପୁଲିସ ଶନିବାର ଲୁହାରଡ ଚୋରି ଅଭିଯୋଗରେ ୩ ଜଣ ଯୁବକଙ୍କୁ ଗିରଫ କରିଛି ।
ପ୍ରକାଶ ଯେ, ପୋଲିସ ଏକ ବିଶ୍ବସ୍ତ ସୂତ୍ରରୁ ଖବର ପାଇ ଶନିବାର ଭୋରରେ ସାନକେରଜାଙ୍ଗ ୟୁପି ସ୍କୁଲ ନିକଟରେ ଛକି ରହିଥିଲା। ଏହି ସମୟରେ ଏକ ଟ୍ରାକ୍ଟର(ଓଡି୧୯ଏସ୍–୧୦୮୮)ରେ ପ୍ରାୟ ୨ଟନ୍ ଓଜନର ଜିନ୍ଦଲ ପାନ୍ଥର ଟିଏମଟି ଲୁହା ରଡନେଇ ଗୋଳାବନ୍ଧ ଆଡ଼କୁ ଯାଉଛି। ପୋଲିସ ଟ୍ରାକ୍ଟରକୁ ଅଟକାଇବା ବେଳେ ସେଥିରେ ୪ଜଣ ଦୌଡ଼ି ପଳାଇବାକୁ ଉଦ୍ୟମ କରିଥିଲେ । ପୋଲିସ ସେମାନଙ୍କ ପିଛାକରି ୩ ଜଣଙ୍କୁ କାବୁ କରିବାରେ ସଫଳ ହୋଇଥିଲା। ତେବେ ଟ୍ରାକ୍ଟର ଚାଳକ ସେଠାରୁ ଫେରାର ହୋଇଯାଇଥିଲା ।
ପୋଲିସ ଧରିଥିବା ୩ ଜଣ ହେଲେ ସାନକେରଜାଙ୍ଗ ଗାଁର ସୁଦ୍ର ଗୋଚ୍ଛାୟତ(୨୩), ଅରବିନ୍ଦ ଗୋଚ୍ଛାୟତ(୨୧) ଓ ଛେଣ୍ଡିପଦା ଥାନା ଅନ୍ତର୍ଗତ ଭେଜିଡ଼ିହ ଗାଁର କାହ୍ନୁ ଗୋଚ୍ଛାୟତ(୨୦)। ସେମାନେ ପୋଲିସ ଆଗରେ ପ୍ରକାଶ କରିଛନ୍ତି ଯେ, ଗତ କିଛିଦିନ ତଳେ ସେମାନେ ଜିନ୍ଦଲରୁ ବାହାରକୁ ଯାଉଥିବା ଏକ ମାଲବାହୀ ଟ୍ରେନ୍ରୁ ଏହି ଲୁହା ରଡ ଚୋରି କରିଥିଲେ ।ସେଗୁଡ଼ିକୁ ଲୁଚାଇବା ପାଇଁ ଜଙ୍ଗଲକୁ ନେଉଥିଲେ। ଏ ନେଇ ଏକ ମାମଲା ରୁଜୁକରି ପୋଲିସ ଟ୍ରାକ୍ଟର ସହ ଲୁହା ରଡ୍ ଜବତ କରିଛି। ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ।
