ଖୁସି ଖବର! ଜାତୀୟ ସ୍ତରରେ ହେବାକୁ ଥିବା ବ୍ୟାଡମିଣ୍ଟନ ପ୍ରତିଯୋଗିତା ପାଇଁ ଅନୁଗୁଳରୁ ମନୋନୀତ ହେଲେ ୪ ଖେଳାଳି

ଅନୁଗୁଳ: ଅନୁଗୁଳ ଜିଲ୍ଲାରୁ ୪ ଜଣ ଖେଳାଳି ଜାତୀୟ ସ୍ତରରେ ହେବାକୁ ଥିବା ବ୍ୟାଡମିଣ୍ଟନ ପ୍ରତିଯୋଗିତା ନିମନ୍ତେ ମନୋନୀତ ହୋଇଛନ୍ତି। ଆଜି ଓଡ଼ିଶା ରାଜ୍ୟ ବ୍ୟାଡମିଣ୍ଟନ ସଂଘ(OSBA ) ଦ୍ଵାରା ପ୍ରକାଶିତ ତାଲିକାରେ ରାଜ୍ୟରୁ ସର୍ବମୋଟ ୧୨ ଜଣ ଖେଳାଳି ଜାତୀୟ ସ୍ତରରେ ଯୋଗ୍ୟତା ଅର୍ଜନ ପାଇଁ ମନୋନୀତ ହୋଇଥିବା ବେଳେ କେବଳ ଅନୁଗୁଳ ଜିଲ୍ଲାରୁ ୪ ଜଣ ଖେଳାଳି ଚୟନ ହୋଇଛନ୍ତି। ଏହି ତାଲିକାରେ ଅବିନାଶ ମହାନ୍ତି, ଅନୁଜା ଦାଶ ମହାପାତ୍ର, ଅମ୍ଳାନ କେଶରୀ ଗଡ଼ନାୟକ ଓ ତନ୍ମୟ କୁମାର ସାହୁ ଅଛନ୍ତି। ଅବିନାଶ ଓ ଅନୁଜା ପୂର୍ବରୁ ଜାତୀୟ ସ୍ତରରେ ଯୋଗ୍ୟତା ହାସଲ କରିଥିବା ବେଳେ ଚଳିତ ବର୍ଷ ପ୍ରଥମ ଥର ପାଇଁ ଅମ୍ଳାନ ଓ ତନ୍ମୟ ମନୋନୀତ ହୋଇଛନ୍ତି। ଏଣୁ ଚାରିଆଡ଼ୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି।