ଅନୁଗୁଳ: ପିଟିସି ଉଚ୍ଚ ବିଦ୍ୟାଳୟ ପରିସରରେ ସହିଦ ମାନସ ରଞ୍ଜନ ସ୍ମୃତି ପରିଷଦ ପକ୍ଷରୁ ଏକ ଆଲୋଚନା ଚକ୍ର ଆୟୋଜିତ ହୋଇଯାଇଛି। ୩୦ ବର୍ଷରେ ଅନୁଗୁଳ ଜିଲ୍ଲା ବିଷୟ ଉପରେ ଆଧାରିତ ଏହି ଆଲୋଚନାଚକ୍ରରେ ଭାଗନେଇ ଛାତ୍ରଛାତ୍ରୀ ମାନେ ଗତ ୩ ଦଶନ୍ଧି ମଧ୍ୟରେ ଅନୁଗୁଳ ଜିଲ୍ଲାରେ ଶିକ୍ଷା ସ୍ୱାସ୍ଥ୍ୟ କୃଷି ଓ ଶିଳ୍ପ କ୍ଷେତ୍ରରେ କିଭଳି ବିକାଶ ଘଟିଛି ତାହା ବର୍ଣ୍ଣନା କରିଥିବା ବେଳେ କିଛି ଛାତ୍ର ଛାତ୍ରୀ ଜିଲ୍ଲାରେ ମେଡିକାଲ କଲେଜର ଆବଶ୍ୟକତା ଓ ଅଧିକ ନିଯୁକ୍ତି ସୁଯୋଗ ଉପରେ ଆଲୋକପାତ କରିଥିଲେ। ସମାରୋହରେ ମୁଖ୍ୟ ଅତିଥି ଭାବେ ସ୍କୁଲର ପ୍ରଧାନ ଶିକ୍ଷକ କେଦାର ବେହେରା ସମ୍ମାନୀତ ଅତିଥି ଭାବେ ସାମ୍ବାଦିକ ସୁଧୀରେନ୍ଦ୍ର ପରିଜା,ଶିକ୍ଷୟିତ୍ରୀ ସରୋଜିନୀ ଦେଇ ଯୋଗ ଦେଇଥିଲେ। ଶିକ୍ଷୟିତ୍ରୀ ବିଜୟଲକ୍ଷ୍ମୀ ସେଠି ଓ ମମତା ସାହୁ ବକ୍ତୃତା ପ୍ରତିଯୋଗିତାର ବିଚାରକ ଭାବେ ଯୋଗ ଦେଇଥିଲେ। ପ୍ରତିଯୋଗିତାରେ ବିଷ୍ଣୁ ପ୍ରସାଦ ଚଇନି,ପୂର୍ବଶା ବେହେରା ଓ ପ୍ରୟାସିନି ନାଥଙ୍କୁ ଯଥାକ୍ରମେ ପ୍ରଥମ ,ଦ୍ଵିତୀୟ ଓ ତୃତୀୟ ପୁରସ୍କାର ମିଳିଥିଲା। ପରିଷଦର ଆବାହକ ବିଶ୍ୱରଂଜନ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ।
