ଛେଣ୍ଡିପଦା: ଅନୁଗୁଳ ଜରପଡା ଥାନା ୫୫ନଂ ଜାତୀୟ ରାଜପଥର ତୁକୁଡ଼ା ଠାରେ ଶନିବାର ଜଣେ ଟ୍ରକ ଚାଳକଙ୍କ ଜଗ୍ ରଡ଼ ମାଡ଼ରେ ଅନ୍ୟ ଜଣେ ଟ୍ରକ ଚାଳକଙ୍କ ମୃତ୍ୟୁ ହୋଇଛି। ମୃତ ଚାଳକ ହେଲେ ଢେଙ୍କାନାଳ ଜିଲ୍ଲା ବରିହାପୁର ଗାଁର ରାଜକିଶୋର ସାହୁ।
ସୂଚନା ମୁତାବକ, ତାଳଚେର ଅଞ୍ଚଳର ୨ଟି କୋଇଲା ଟ୍ରକ ଅନୁଗୁଳ-ସମ୍ବଲପୁର ୫୫ନଂ ଜାତୀୟ ରାଜପଥର ତୁକୁଡ଼ା ହାତପଦା ନିକଟରେ ପାର୍କିଂ କରାଯାଇଥିଲା। ଉଭୟ ଟ୍ରକର ଚାଳକଙ୍କ ମଧ୍ୟରେ କୌଣସି କାରଣକୁ ନେଇ ଯୁକ୍ତିତର୍କ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ଜଣେ ଟ୍ରକ ଚାଳକ ଅନ୍ୟ ଜଣେ ଚାଳକ ରାଜକିଶୋରଙ୍କୁ ଜଗ୍ ରଡ଼ରେ ମାଡ଼ ମାରିଥିଲେ। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା।
ଖବର ପାଇ ଜରପଡ଼ା ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛି।
