ଛେଣ୍ଡିପଦା: ଅନୁଗୁଳ ଜିଲ୍ଲା ଛେଣ୍ଡିପଦା ନିର୍ବାଚନ ମଣ୍ଡଳୀରେ ବିଜୁ ଜନତା ଦଳ ପକ୍ଷରୁ କୋଶଳା ଓ ତୁବେ ଠାରେ କାର୍ଯ୍ୟକର୍ତ୍ତା ସମ୍ମିଳନୀ ଅନୁଷ୍ଠିତ ହୋଇଯାଇଛି।
ବୈଠକରେ ଛେଣ୍ଡିପଦା ବ୍ଳକର ୩୪ଟି ପଞ୍ଚାୟତ ଓ ବଅଁରପାଳ ବ୍ଲକର ୧୮ଟି ପଞ୍ଚାୟତର କାର୍ଯ୍ୟକର୍ତ୍ତା ଯୋଗ ଦେଇଥିଲେ। ଛେଣ୍ଡିପଦା ବ୍ଳକ ସଭାପତି ଶରତ ଗଡ଼ନାୟକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆୟୋଜିତ ଏହି ବୈଠକରେ ସମ୍ବଲପୁର ସାସଂଦ ପ୍ରାର୍ଥୀ ତଥା ବିଜୁ ଜନତା ଦଳର ସଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓ ଛେଣ୍ଡିପଦା ବିଧାୟକ ପ୍ରାର୍ଥୀ ସୁଶାନ୍ତ ବେହେରା ଯୋଗ ଦେଇ ଚଳିତ ସାଧାରଣ ନିର୍ବାଚନକୁ ଦୃଷ୍ଟିରେ ରଖି କର୍ମକର୍ତ୍ତାଙ୍କୁ ଗୁରୁମନ୍ତ୍ର ଦେଇଥିଲେ।
ବୈଠକରେ ପ୍ରଧାନମନ୍ତ୍ରୀ ଓଡ଼ିଆ ଅସ୍ମିତାକୁ ନେଇ ମୁଖ୍ୟମନ୍ତ୍ରୀଙ୍କୁ ଯେଭଳି କଥା କହିଥିଲେ ତାର ଉଚିତ ଜବାବ ଦିଆଯିବ ବୋଲି ପ୍ରଣବ ପ୍ରକାଶ ଦାସ ମତବ୍ୟକ୍ତ କରିଥିଲେ। ମୁଖ୍ୟମନ୍ତ୍ରୀ ଯାହା କୁହନ୍ତି ତାହା କାର୍ଯ୍ୟରେ କରି ଦେଖାନ୍ତି । ନିର୍ବାଚନ ଆସିଲେ ବିରୋଧି ଦଳ ଯାହା କହିଥାନ୍ତି ତାହା କରି ନଥାନ୍ତି। ଆପଣ ମାନେ ଯୋଡି ଶଙ୍ଖରେ ଭୋଟ ଦେଲେ ସମ୍ବଲପୁର ସଂସଦୀୟ କ୍ଷେତ୍ର ଓଡିଶାର ୧ନଂ ହେବ ବୋଲି ପ୍ରକାଶ କରିଥିଲେ। ସେହିପରି ଛେଣ୍ଡିପଦା ବିଧାୟକ ପ୍ରାର୍ଥୀ ସୁଶାନ୍ତ କୁମାର ବେହେରା ବିଜୁ ଜନତାଦଳର କାର୍ଯ୍ୟକର୍ତ୍ତା ମାନେ ଯେପରି ମୋ ବୁଥ ହେବ ସବୁଠାରୁ ମଜବୁତ ସେପରି କାର୍ଯ୍ୟ କରିବା ସହିତ ମୁଖ୍ୟମନ୍ତ୍ରୀଙ୍କ ଯୋଜନା ଘରେ ଘରେ କିପରି ପହଞ୍ଚିବ ସେଥିପ୍ରତି ଯତ୍ନବାନ ହେବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ।
ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଅନୁଗୋଳ ଜିଲ୍ଲା ପର୍ଯ୍ୟବେକ୍ଷକ କୁନୁ ବିହାରୀ ଦାସ, ସଞ୍ଜୟ ଅଗ୍ରୱାଲ, ରୋଶନା ସାହୁ,ଜିଲ୍ଲା କାଯ୍ୟକାରୀ ସଭାପତି ପ୍ରଦୀପ କୁମାର ସାହୁ,ନାରାୟଣ ସାହୁ, ବ୍ଳକ ଅଧକ୍ଷା ସୁମିତ୍ରା ସାହୁ, ଜିଲ୍ଲା ଉପ ସଭାପତି ରାକେଶ ପ୍ରଧାନ, ଟାଙ୍ଗିରି ସରପଞ୍ଚ ଅମରେଶ ନାଥଙ୍କ ସମେତ ବହୁ ଲୋକପ୍ରତିନିଧି ଓ ବିଜୁ ଜନତା ଦଳର କାର୍ଯ୍ୟକର୍ତ୍ତା ମାନେ ଉପସ୍ଥିତ ଥିଲେ।
